Биш еллык эш йомгаклары: Чүпрәле районында район Советының 47 нче утырышы узды
Биш ел эчендә 48 утырыш үткәрелде, аларда 273 мәсьәлә каралды, шуларның 172се — норматив характердагы.
Бүген, 2025 елның 11 сентябрендә, дүртенче чакырылыш Татарстан Республикасы Чүпрәле муниципаль районы Советының кырык җиденче утырышы узды.
Утырышны Татарстан Республикасы Чүпрәле муниципаль районы Башлыгы Марат Гафаров ачты һәм алып барды.
«2025 елга, 2026 һәм 2027 еллар план чорына Татарстан Республикасы Чүпрәле муниципаль районы бюджеты турында» 2024 елның 13 декабрендәге 41/2 номерлы Совет карарына үзгәрешләр кертү турындагы доклад белән финанс-бюджет палатасы башлыгы Илдар Ракипов чыгыш ясады.
ТР Чүпрәле районы башлыгы урынбасары Алексей Ярухин Татарстан Республикасы Чүпрәле районы оешуга 95 ел тулуга багышланган истәлекле медаль һәм дүртенче чакырылыш Советының эш йомгаклары турында сөйләде.
Ул билгеләп үткәнчә, Совет эшчәнлеге социаль-икътисадый үсеш һәм халыкның тормыш дәрәҗәсен күтәрү өчен уңайлы шартлар тәэмин итүгә юнәлдерелгән.
Биш ел эчендә 48 утырыш үткәрелде, аларда 273 мәсьәлә каралды, шуларның 172 - норматив характердагы. Депутатлар социаль-икътисадый үсеш мәсьәләләренә, гражданнарның хокукларын һәм ирекләрен саклауга, халыкның социаль яклану мәсьәләләренә игътибар иттеләр. Совет район Уставындагы үзгәрешләрне карады, үсеш программаларын раслады, норматив хокукый актлар кабул итте, бюджет мәсьәләләрен хәл итте, генераль планнарны һәм җирдән файдалану кагыйдәләрен раслады.
Алексей Ярухин шулай ук РФ Дәүләт Думасы һәм ТР Дәүләт Советы депутатлары Шакир Ягудин һәм Ринат Гайзатуллин белән актив хезмәттәшлек итүләрен билгеләп үтте. Депутатлар корпусы исеменнән аларга район үсешенә керткән өлешләре өчен рәхмәт белдерелде.
Йомгаклау утырышы Татарстан Республикасы Башлыгын һәм бишенче чакырылыш вәкиллекле органнары депутатларын сайлаулар алдыннан уза. Хәзерге составтан 108 депутат үз эшчәнлеген киләсе чакырылышта да дәвам итәргә ниятли. Утырыш ахырында район Башлыгы Марат Гафаров барлык катнашучыларга да нәтиҗәле хезмәтләре өчен рәхмәт белдерде һәм киләчәктә дә хезмәттәшлек итүгә өмет белдерде.