Татарстан Республикасы Чүпрәле муниципаль районында тавыш бирү көнендә куркынычсызлык турында фикер алыштылар
Бердәм тавыш бирү көнендә Чүпрәле районы территориясендә 36 сайлау участогы эшләячәк.
Бүген, 2025 елның 8 сентябрендә, Татарстан Республикасы Чүпрәле муниципаль районы Башлыгы рәислегендә Гадәттән тыш хәлләр комиссиясе утырышы узды. Киңәшмәнең төп темасы 2025 елның 14 сентябрендә сайлауларны уздыру чорында комплекслы куркынычсызлыкны тәэмин итүгә әзерлек булды.
Чарада район җитәкчеләре, авыл җирлекләре башлыклары, шулай ук көч ведомстволары һәм ашыгыч хезмәтләр вәкилләре катнашты.
Утырыш барышында сайлау участокларын янгыннан саклау буенча чаралар комплексы каралды һәм мөмкин булган гадәттән тыш хәлләргә оператив җавап бирү алгоритмы эшләнде. Хокук саклау органнары һәм коткару хезмәтләренең кизү торуын көчәйтелгән режимда оештыруга аерым игътибар бирелде.
Исегезгә төшерәбез, Бердәм тавыш бирү көнендә Чүпрәле районы территориясендә 36 сайлау участогы эшләячәк, алар сайлаучылар өчен 7:00 сәгатьтә ачылачак һәм эшне 20:00 сәгатьтә тәмамлаячак.