Татарстан Республикасында авыл яшьләре өчен түләүсез семинарлар сериясе башлана
«Авыл яшьләре» төбәк проектын гамәлгә ашыру кысаларында 2025 елның 2-30 сентябрендә Татарстан Республикасы муниципаль районнарында авыл яшьләре өчен Россиянең һәм республиканың танылган экспертларыннан түләүсез семинарлар сериясе узачак. Проектны Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы һәм «Татарстан Республикасы Аграр яшьләр берләшмәсе» төбәк иҗтимагый оешмасы оештыра.
Чаралар авыл территорияләренә уңай үзгәрешләр кертүгә һәм авыл яшьләренең социаль-икътисадый активлыгын арттыруга юнәлдерелгән. Үткәрү урыны-республиканың үсеш потенциалына ия һәм яшьләр өчен кызыклы кече территорияләре. Зона чараларында катнашучылар-14 яшьтән 35 яшькә кадәрге яшьләр.
Семинарларда катнашу өчен Татарстан Республикасы Аграр яшьләр берләшмәсенең мобиль кушымтасында теркәлергә кирәк:
- AppStore: https://clck.ru/3NGCVM
- Play Market: https://clck.ru/3NGCU4
Муниципаль районнарда зона чаралары
Үз потенциалыгызны тормышка ашырырга һәм туган як үсешенә өлеш кертергә ярдәм итәчәк яңа белем һәм күнекмәләр алу мөмкинлеген кулдан ычкындырмагыз!