Чебоксарда VI Бөтенроссия ГТО фестивале узачак
16-19 август көннәрендә Чебоксарда Бөек Ватан сугышында Җиңүнең 80 еллыгына багышланган гаилә командалары арасында VI Бөтенроссия ГТО фестивале узачак. Россиянең төрле почмакларыннан - Севастопольдән алып Сахалинга кадәр – 55 команда спорт гаиләсе исеме өчен көрәшәчәк!
ВФСК ГТО «Физик культура һәм спортны үстерү» дәүләт программасы кысаларында гамәлгә ашырыла.
Катнашучыларны көч, җитезлек һәм чыдамлык сынаулары көтә: тартылу, йөгерү, йөзү, ату һәм ГТО команда эстафетасы.
Фестиваль программасы:
- 16 август - тантаналы ачылыш һәм беренче сынаулар: ату, алга иелү, аркада яткан килеш гәүдәне күтәрү;
- 17 август - тартылу, идәндә яткан килеш кулларны бөгү һәм турайту, 30 һәм 60 метрга йөгерү, озынлыкка сикерү буенча ярышлар;
- 18 августта - 25 һәм 50 метрга йөзү;
- 19 августта - мавыктыргыч ГТО эстафетасы һәм бүләкләү тантанасы.