Чүпрәле районында «Хезмәткә һәм оборонага әзер» Бөтенроссия физкультура-спорт комплексы фестивале узды
Фестиваль районның авыл җирлекләре һәм оешмалары арасында узды. Командалар составында өч катнашучы иде.
7 августта районның авыл җирлекләре һәм оешмалары арасында «Хезмәткә һәм оборонага әзер» Бөтенроссия физкультура-спорт комплексы фестивале узды.
Фестиваль түбәндәге нормативларны үтәүне үз эченә алды:
- 60 метрга йөгерү;
- гимнастика эскәмиясендә баскан килеш алга иелү;
- идәндә яткан килеш кулларны бөгү һәм турайту;
- аркада яткан килеш гәүдәне күтәрү;
- түбән перекладинада тартылу (хатын-кызлар гына);
- биек перекладинада тартылу яки 16 кг гер күтәрү (ир-атлар гына).
ГТО фестивале авыл җирлекләрендә яшәүчеләр һәм район оешмалары хезмәткәрләре арасында сәламәт яшәү рәвешен һәм спортны популярлаштыруга юнәлдерелгән. Чара команда рухын һәм физик үсешкә мотивацияне ныгытуга ярдәм итә.
Исегезгә төшерәбез, спорт атналыгын ябу тантанасы һәм Физкультурниклар көненә йомгак ясау 8 августта 15:00 сәгатьтә «Чупрәле» паркында булачак. Чара программасында-иң яхшы спортчыларны, тренерларны, физик культура укытучыларын, спорт ветераннарын һәм спорт федерацияләре җитәкчеләрен бүләкләү, шулай ук атна дәвамында узган барлык ярышларның нәтиҗәләрен игълан итү.