Патриот, үз эшенең чын остасы Барис Гафуров 40 елдан бирле туган авылы Кече Чынлы халкына фидакарь хезмәт куя
Моннан 40 ел элек ул Чүпрәле районының Кече Чынлы авылына парторг итеп билгеләнгән иде.
1985 елның 19 июне – Барис Аппау улы Гафуров тормышында үзенчәлекле дата. Нәкъ менә шушы көнне, 40 ел элек, ул беренче тапкыр Чүпрәле районының Кече Чынлы авылына килә һәм шуннан бирле аның язмышы шушы авыл белән тыгыз бәйләнгән. Ә 1989 елның декабреннән ул “Цильна” җәмгыятен җитәкли.
Герой, патриот, новатор
Барис Аппау улы -исеме туган җиргә тугрылык символы булган кеше. Талантлы җитәкче, хәйрияче һәм чын патриот, ул авылның традицияләрен саклап калды һәм алга китешкә юл ачты.
Хезмәт биографиясе: укытучыдан лидерга кадәр
1954 елның 9 маенда Чүпрәле районының Иске Ишле авылында туган Барис Аппау улы яшьтән үк максатчанлык күрсәткән. 1976 елда Казан дәүләт педагогика институтын тәмамлагач, комбайнчы ярдәмчесе булып эшли башлый, аннары химия һәм биология укытучысы була. Хезмәт сөючәнлеге һәм оештыру сәләте аны алга алып бара: мәктәп директоры, КПСС райкомы хезмәткәре, район кино челтәре җитәкчесе — карьерасының һәр баскычы аның ышанычлы һәм акыллы лидер буларак абруен ныгыта.
Татарстан Республикасының һәм Россия Федерациясенең атказанган авыл хуҗалыгы хезмәткәре Барис Аппау улы югары дәүләт бүләкләренә лаек булды: “Татарстан Республикасы алдындагы казанышлар өчен” ордены, II дәрәҗә “Ватан алдындагы казанышлары өчен” ордены медале, Почет Ордены, “Дуслык” Ордены..., һәм аның туган як үсешенә керткән өлешен раслаучы башка бик күп аерымлык билгеләре.
Бу истәлекле көндә Барис Аппау улына нык сәламәтлек, сүнмәс энергия һәм кече Ватаныбыз хакына яңа казанышлар телибез! Аның иҗади хезмәте яңа буын өчен киләчәктә дә үрнәк булсын!