Волонтерлыктан -туйга: Чүпрәле муниципаль районында яшь парларны теркәделәр

2025 елның 14 июне, шимбә

Махсус хәрби операция башланганнан бирле хәрбиләр катнашында 17 никах теркәлгән.

Бүген, 2025 елның 13 июне, Сергей һәм Полина Портновлар өчен үзенчәлекле, истәлекле көн: алар рәсми рәвештә ир белән хатын булдылар.

Никахны теркәү Татарстан Республикасы Чүпрәле муниципаль районының ЗАГС бүлегендә узды.

Сергей Чуваш Бизнәсе авылында туып-үскән. Әти-әнисе: Вера Ивановна һәм Валерий Петрович районда хөрмәтле гаиләләрнең берсе. Өч ул тәрбияләгән гаиләдән бүген бөтенесе махсус хәрби операциядә хезмәт куя. Сергей-уртанчы бала.

Сергей, прапорщик, беренче көннәрдән үк махсус хәрби операциядә катнаша һәм инде «Батырлык өчен», «Георгивский крест» медальләре белән бүләкләнгән.

Сөйгәне тумышы белән Хабаровск краеннан. Аның әнисе сәламәтлек саклау өлкәсендә эшли, ә әтисе — Эчке эшләр министрлыгы ветераны.

Полина Санкт-Петербургта балалар мәгариф үзәгендә эшли. Төп эштән тыш, ул актив рәвештә волонтерлык эшчәнлеге белән шөгыльләнә, җитәкче булып тора. Махсус хәрби операциядә катнашучылар өчен гуманитар ярдәм җыюда катнаша. Сергей белән Полинаның танышуы нәкъ шулай килеп чыккан да. Ул Сергей хезмәт иткән частькә гуманитар ярдәм белән бара. Ике ел дуслыктан соң алар гаилә корырга карар кылалар.

Яшь парларны башкарма комитет җитәкчесе урынбасары Айрат Җәлалов котлады. Ул аларга никахларын теркәү турында таныклык һәм Чүпрәле районы башлыгы Марат Гафаровтан бүләк тапшырды.

Айрат Җәлалов Портновлар гаиләсенең районда иң хөрмәтле гаиләләрнең берсе булуын билгеләп үтте. Узган ел алар Татарстан Республикасы Рәисе Рөстәм Миңнеханов белән очрашуга бардылар, шулай ук, Гаилә елында Тәтеш районыннан Чүпрәле районына гаилә учагын алып кайтып, аны Буа районына тапшырдылар.

"Сезнең гаиләгез үз үрнәге белән ватанпәрвәрлек һәм Ватанга мәхәббәт тәрбияли. Лаеклы улларыгыз өчен рәхмәт сезгә! Гаиләгезгә сәламәтлек һәм бәхет», - дип ассызыклады Айрат Җәлалов.

ЗАГС бүлеге җитәкчесе Альбина Шәрәфетдинова сүзләренә караганда, махсус хәрби операция башланганнан бирле хәрбиләр катнашында 17 никах теркәлгән.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International