12 бала һәм ковбой эшләпәсе: Чуваш Чүпрәлесе авылыннан Николай Храмовның тормыш тарихы
Николай Храмов әтисез үскән.
Бүген, 2025 елның 13 июнендә, Чуваш Чүпрәлесе авылы үзенең данлы юбилеен билгеләп үтүче кешесен — Николай Ильич Храмовны хөрмәтли! Аңа 90 яшь тулды.
Сугыш һәм сугыштан соңгы авыр чор белән узган балачак Николай Ильичның характерын чыныктыра. Әтисе, олы яшенә карамастан, үз теләге белән фронтка китә, аннан кире әйләнеп кайтмый...
Әнисе, кырдагы эшеннән аерылмыйча, Николай Ильичны таба, ә икенче көнне үк кулына сабыен тотып яңадан эшләргә чыга.
Николай Ильич бөтен гомерен туган җиренә багышлап колхозда комбайнчы булып эшли. Мәхәббәт һәм тугрылык-Николай Ильичны ерак 1959 елда гаилә корган тормыш иптәше белән менә шулар бәйли.
Унике бала — ике ул һәм ун кыз — аларның мәхәббәт җимешләре булып дөньяга аваз салалар. 66 ел бер сулыштан, бер сукмактан аилыйлар алар.
Кызларының берсе, Мәскәүдә белем алгач, үз бәхетен, АКШ гражданинына кияүгә чыгып, океан артында таба. Николай Ильич хатыны белән ике тапкыр Америкада кунакта булалар. Аерым көннәрдә юбиляр горурланып ковбой эшләпәсен кия — киявенең бүләге ул. Балалары аны еш кына аны "Буденный" дип тә атыйлар, охшаш яклары күп булганга.
Юбиляр һәвәскәр умартачы да. Дистәләгән умарта асрый ул.
Николай Ильичның озын гомерле булу сере гади-өй шартларында яратып әзерләнгән сәламәт ризык, балачакның алыктан саклап калган алабута һәм кычыткан үләннәре, аларны бүген дә куллана ул.
Бүген Николай Ильич һәм аның хатыны күпсанлы оныклары һәм оныкчыкларының мәхәббәте белән әйләндереп алынган — алар утыздан артык! Ә бөтен гаилә бергә җыелганда, алар илледән артык кеше исәпләнә!
Николай Ильичның тормыш иптәше дә үзен бәхетле дип саный. Кайнанасын да: «Бик әйбәт кеше иде дип» сагынып сөйли.
Юбилярны котларга Татарстан Республикасы Чүпрәле муниципаль районы башлыгы урынбасары Алексей Ярухин һәм Чуваш Чүпрәлесе авыл җирлеге башлыгы Виталий Землемеров килде. Алар Николай Ильичка нык сәламәтлек, яраткан туганнары һәм якыннары арасында озын гомер теләделәр, бүләкләр тапшырдылар.