Чүпрәле районында Сабантуй-2025: абсолют батыр Раиль Айнетдинов булды
Чүпрәле районында 2025 елгы Сабантуй бәйрәм генә түгел, ә буыннарны берләштерүче һәм традицияләрне саклаучы якты вакыйга икәнен кабат исбатлады.
2025 елның 8 июнендә Татарстан Республикасының Чүпрәле районында милли бәйрәм Сабантуйны зурлап билгеләп үттеләр. Чара гадәттәгечә район мәдәният йорты артистлары, мәктәп укучылары һәм үзешчән сәнгать осталары әзерләгән театральләштерелгән тамашадан башланды.
Бүләкләү тантанасы
Чүпрәле районы Башлыгы Марат Гафаров авыл халкын һәм кунакларны котлады. Татарстан Республикасы Рәисе Рөстәм Миңнехановның котлавын Татарстан Республикасында һәм Ульяновск өлкәсендә дәүләт милке белән идарә итү буенча Федераль агентлыкның төбәкара территориаль идарәсе җитәкчесе Альберт Хәйретдинов укыды. Бәйрәм кунакларын шулай ук ТР Дәүләт Советы депутаты Ринат Гайзатуллин, РФ Хөкүмәтенең мәдәният өлкәсендәге премиясе лауреаты, ТР һәм Кырым Республикасының атказанган эшлеклесе, РФнең мактаулы остазы, «Созвездие-Йолдызлык» һәм «Наше время-Безнен заман» фестиваль хәрәкәтләренең генераль продюсеры Дмитрий Туманов, Казан шәһәренең Киров һәм Мәскәү районнары администрациясе башлыгы урынбасары Руслан Забиров сәламләде.
Тантаналы өлеш кысаларында авыл хуҗалыгы алдынгыларын, мәдәният хезмәткәрләрен, ветераннарны һәм ялда булган мобилизацияләнгән якташларны котладылар. Аларга мактау грамоталары, дипломнар, медальләр һәм акчалата премияләр тапшырылды.
Мәйданга беренчеләрдән булып махсус хәрби операциядә катнашучылар чакырылды. Район Башлыгы Марат Гафаров барысына да Ватанны саклаганнары өчен рәхмәт белдерде, бүләкләр тапшырды.
Хезмәт ветераны Рафаэль Камалтдинов Татарстан Республикасының «Фидакарь хезмәт өчен» медале белән бүләкләнде.
«Татарстан Республикасында җирле үзидарәне үстерүдәге казанышлары өчен» медале белән Чуваш Чүпрәле авыл җирлеге башлыгы Виталий Землемеров бүләкләнде.
Күпьеллык намуслы хезмәте, авыл хуҗалыгы өлкәсендәге казанышлары «Чынлы» ширкәтенең баш бухгалтеры Гөлүсә Хамадҗановага «Татарстан Республикасының атказанган укытучысы» дигән мактаулы исем бирелде, Яңа Кәкерле төп гомуми белем бирү мәктәбе директоры Шамил Абдрахмановка «Татарстан Республикасының атказанган укытучысы» дигән мактаулы исем бирелде, Татарстан Республикасы Рәисе Рәхмәт хаты Чүпрәле үзәк район хастаханәсенең баш бухгалтеры Җәмилә Рәкыйповага тапшырылды, ТР Мәдәният министрының Рәхмәте “Авылара мәдәният йорты” сәнгать җитәкчесе Галия Әхмәтовага белдерелде, Министрлар Кабинетының Рәхмәт хатлары-мәгариф бүлеге начальнигы Газинур Хәлиулловка, Фәридә Хәйруллиннага (Дуван бакчалары) һ.б.. АПК ветераны Нәҗип Мурасов һәм Вера Ларионова Татарстан Республикасы Авыл хуҗалыгы һәм азык-төлек министрлыгының Рәхмәт хаты, күкрәк билгесе һәм агросәнәгать комплексы ветераннары Советының котлау адресы белән бүләкләнделәр. Чүпрәле районы оешуга 90 ел тулу медальләре Николай Наумовка, ветеринария табибы һәм терлекче Петр Спиридоновка тапшырылды.
Шулай ук язгы кыр эшләренә йомгаклар буенча иң яхшы хуҗалыклар да билгеләп үтелде:
1 урын — «Чынлы» ҖЧҖ (директоры Барис Гафуров), «Рассвет Агро Чүпрәле» ҖЧҖ (директоры Алексей Копанев).
2 урын —«АгроТрансПорт» ҖЧҖ (идарәчесе Фәнис Багаутдинов).
КФХлар арасында:
1 урын-«Бикчуров Р.А.» КФХ (хуҗалык башлыгы Равил Бикчуров)
2 урын-«Низамов» КФХ (хуҗалык башлыгы Альберт Низамов)
3 урын-«Мәхмүтов» КФХ (хуҗалык башлыгы Илмир Махмутов)
Шәхси ярдәмче хуҗалыклар һәм шәхси эшмәкәрләр арасында
1 урын-«Амосов» хуҗалыгы (хуҗалык башлыгы Алексей Амосов)
2 урын-ИП коллективы Виктор Артемьева һәм Нәфисә Мөдәррисова.
3 урын-Нияз Дамаев шәхси эшмәкәрлек предприятиесе һәм «Низамов» хуҗалыгы коллективы (хуҗалык башлыгы Альфред Низамов).
«Чәчү Батыры» дигән мактаулы исем алучылар да яңгырады: «Чынлы» җәмгыяте механизаторы Айрат Яфизов, «Рассвет-Агро» җәмгыяте механизаторлары Петр Архипов һәм Дмитрий Степанов, «Бикчуров» хуҗалыгы механизаторы Фәрит Басыйров, «АгроТрансПорт» җәмгыяте механизаторы Владимир Митрофанов, «Дуван бакчалары» кооперативы механизаторы Владимир Илюхин.
Шулай ук мәйданга «РассветАгроДрожжаное» агросәнәгать комплексы алдынгылары чакырылган иде, алар «Чистай» Мактау грамотасы белән бүләкләнделәр. Чүпрәлеләрнең кайберләре мактау тактасына язылдылар, аларга таныклыклар тапшырдылар.
Татарстан Республикасы Мәдәният министрлыгы бүләкләрен Башкарма комитет җитәкчесе Рөстәм Мөхәмәтҗанов һәм аның урынбасары Айрат Җәлалов тапшырдылар.
Быел Зәки Нури премиясенә «ТАТМЕДИА» АҖ филиалы «Туган як» газетасы мөхәррире Римма Мәүлитова, Иске Кәкерле авылыннан язучы, имам хатыйб Адиҗан Мөхитов, «Таң» халык җыр һәм бию ансамбле балетмейстры Лилия Җамалетдинова, Зөлфия Кәримова, үзәкләштерелгән китапханә хезмәткәре һәм Иске Шәйморза урта мәктәбенең татар теле һәм әдәбияты укытучысы Миләүшә Фәтхуллина.
Бүләкләү азагында авыл мәдәният йортлары, авыл клублары һәм китапханәләре арасындагы конкурста җиңүчеләргә матди-техник базаны ныгытуга сертификатлар тапшырылды.
Рәсми өлештән соң кунаклар милли уеннар, концертлар һәм ярышлар белән ләззәтләнә алдылар. “Хезмәткә һәм оборонага әзер” мобиль мәйданчыгы оештырылды. Көрәш, көч һәм җитезлек ярышлары аеруча игътибарны җәлеп итте.
Киеренке көрәштә иң көчле батырлар билгеләнде, ә абсолют җиңүче Кече Чынлы авылыннан Раиль Айнетдинов булды.
Көн дәвамында сәүдә рәтләре, балалар аттракционнары һәм күргәзмәләр эшләде. Кунаклар милли ризыклар белән сыйланды, ә сәхнәдә эстрада артистлары һәм районның иҗат коллективлары чыгыш ясады. Бәйрәмнең аерым кунагы Гөлназ Асаева булды.
Чүпрәле районында 2025 елгы Сабантуй бәйрәм генә түгел, ә буыннарны берләштерүче һәм традицияләрне саклаучы якты вакыйга икәнен кабат исбатлады.