Яңа Уби авылында җиңел атлетика кроссы буенча районара беренчелек узды
Балаларны яклау көнен һәм Ватанны саклаучылар елын бәйрәм итү кысаларында Яңа Уби авылында җиңел атлетика кроссы буенча районара беренчелек узды. Бу хакта Татарстан Республикасы Чүпрәле муниципаль районының Яшьләр эшләре, спорт һәм туризм бүлеге хәбәр итә.
Ярышларда Татарстан Республикасының Буа һәм Тәтеш шәһәрләреннән, Чуваш Республикасының Шомыршы һәм Яльчик муниципаль округларыннан 90нан артык спортчы, шулай ук муниципаль районыбызның гомуми белем бирү учреждениеләрендә укучылар катнашты.
Егетләр һәм кызлар яшь төркемнәрендә 650 метрдан 2000 метрга кадәр дистанцияләрдә көч сынаштылар. Җиңүчеләр һәм призерлар грамоталар, медальләр һәм кубоклар белән бүләкләнделәр. Дистанциядә күрсәтелгән нәтиҗәләр «Хезмәткә һәм оборонага әзер» комплексы нормативларын үтәү исәбенә керәчәк.
Исегезгә төшерәбез, ГТО комплексы «Физик культура һәм спортны үстерү» дәүләт программасы кысаларында гамәлгә ашырыла.