Чүпрәледә балаларны яклау көнен бәйрәм итү кысаларында ГТО мобиль мәйданчыгы эшләде

2025 елның 2 июне, дүшәмбе

Балаларны яклау көнен бәйрәм итү кысаларында Иске Чүпрәле авылының «Чупрәле» паркында «Спорт мәктәбе» тест үзәге хезмәткәрләре тарафыннан «Хезмәткә һәм оборонага әзер» нормативларын үтәү өчен мобиль мәйданчык оештырылды.

Теләге булган һәркем «Хезмәткә һәм оборонага әзер» нормативларын үти алды: гимнастика эскәмиясендә баскан килеш алга иелү, гер күтәрү, урыннан озынлыкка сикерү, идәндә яткан килеш кулларны бөгү һәм турайту, теннис тубын цельга ыргыту. Иң яхшы нәтиҗәләр күрсәткән катнашучыларга сувенирлар һәм призлар тапшырылды.