Чүпрәле районы эшкуарлар советы Татарстанда иң яхшысы дип танылды
23 майда Зеленодольск шәһәрендә Россия эшкуарлыгы көненә багышланган «Татарстан Республикасы муниципаль берәмлекләрендә иң яхшы иҗтимагый (координацион) эшкуарлар советы» VI республика конкурсын бүләкләү тантанасы булды.
Конкурс 2019 елдан Татарстан Республикасы Иҗтимагый палатасы тарафыннан Татарстан Республикасы кече һәм урта бизнес предприятиеләре ассоциациясе белән берлектә үткәрелә. Аның максаты-республика районнарында иң актив һәм нәтиҗәле эшкуарлык советларын бүләкләү.
«Нәтиҗәле хезмәте һәм Татарстан Республикасы кече һәм урта эшмәкәрлеген үстерүе өчен» 2024 ел эше йомгаклары буенча Татарстан Республикасы Чүпрәле муниципаль районы башлыгы каршындагы эшмәкәрлек Советы Татарстан Республикасы Икътисад министрының Рәхмәт хаты белән бүләкләнде.
«Татарстан Республикасы муниципаль берәмлекләрендә эшкуарларның иң яхшы Координация советы» конкурсы йомгаклары буенча «Махсус хәрби операциядә катнашучыларга ярдәм итүгә керткән өлеше өчен» номинациясендә Татарстан Республикасы Чүпрәле муниципаль районы башлыгы каршындагы Эшкуарлык советы республика конкурсында җиңүче булды, диплом һәм кубок белән бүләкләнде.
- Бу беренче чиратта безнең эшмәкәрләрнең казанышы. Махсус хәрби операциядә катнашучыларгаярдәм иткән барлык эшмәкәрләребезгә зур рәхмәтебезне белдерәбез. Зур рәхмәт Сезгә олы йөрәкле булганыгыз өчен!- диде бүгенге эшлекле киңәшмәдә Татарстан Республикасы Чүпрәле муниципаль районы Башлыгы Марат Гафаров, һәм Совет рәисе Данис Айнулловка бүләкләр тапшырды.