Татарстан Республикасы Чүпрәле муниципаль районының Шланга авылында «Майын унбише " бәйрәмен билгеләп үттеләр
“Майын унбише” — җирле халык өчен әһәмиятле вакыйга
“Безнең ата — бабаларыбыз май аенда урманга барып, иң таза агачны-имәнне кочаклаганнар, теләкләр әйткәннәр, сәламәтлек, иминлек сораганнар. Шулай ук дару үләннәре һәм каен ботакларыннан себерке җыйганнар. Борынгы гореф-гадәтләр бүгенге көнгә кадәр сакланып калган, авылларда яшәүчеләрнең күбесе урманга йөри”, - дип сөйлиләр бу бәйрәм турында авыл халкы.
Катнашучыларны район Башкарма комитеты җитәкчесе Рөстәм Мөхәмәтҗанов һәм Шланга авыл җирлеге башлыгы Илдар Якупов сәламләде.
Рөстәм Мөхәмәтҗанов барысына да тыныч күк йөзе һәм традицияләрне озак елларга саклап калуны теләде.
-Мондый чаралар халыкның бердәмлеген, борынгы гореф — гадәтләрнең һәм традицияләрнең саклануын күрсәтә, - дип билгеләп үтте Рөстәм Искәндәр улы