Судагы куркынычсызлык
2025 ел башыннан Татарстан Республикасы сулыкларында 26 очрак теркәлгән (узган елның шушы чорында — 14), нәтиҗәдә 18 кеше һәлак булган (АППГ — 8), 16 кеше коткарылган (АППГ — 13).
Казанда, Чаллыда, Алексеевскида, Балтач, Югары Ослан, Кама Тамагы, Мамадыш, Менделеевск, Минзәлә, Тукай, Чистай һәм Лаеш районнарында фаҗигале хәлләр булган.
Сулыкларда куркынычсызлыкны тәэмин итү өчен берничә төп киңәш:
1. Коткару жилетларын кулланыгыз: һәрвакыт коткару жилетын киегез, бигрәк тә көймәдә яки каякта булсагыз. Бу балалар һәм йөзә белмәүчеләр өчен аеруча мөһим.
2. Җирле шартларны өйрәнегез: суга чыгар алдыннан агым, тирәнлек һәм һава шартлары белән танышыгыз. Начар һава торышында яисә көчле агым шартларында йөзмәгез.
3. Ялгыз йөзмәгез: компаниядә йөзү һәрвакыт куркынычсызрак. Әгәр берәр нәрсә дөрес бармаса, сездә ярдәм итә алырлык кемдер булачак.
4. Балаларны карап торыгыз: балаларны беркайчан да су янында караучысыз калдырмагыз. Аларның күз күреме чикләрендә булуына инаныгыз һәм аларның гамәлләрен даими контрольдә тотыгыз.
5. Алкогольдән сакланыгыз: алкоголь куллану реакциягезне һәм карар кабул итү сәләтегезне киметергә мөмкин, бу исә суда бәхетсезлек очраклары куркынычын арттыра.
6. Чикләрегезне белегез: физик мөмкинлекләрегезне җиңәргә тырышмагыз. Әгәр дә сез үзегезнең йөзү күнекмәләрегезгә ышанмыйсыз икән, куркынычсыз зонада калу яхшырак.
7.Сәламәтлегегезне кайгыртыгыз: әгәр дә үзегезне начар хис итәсез яки арыганлыгыгызны сизәсез икән, суга чыкмыйча ял итүегез яхшырак.
Суда куркынычсызлык һәрберебездән тора... үзегезне һәм якыннарыгызны саклагыз!
«Мәктәп еллары искиткеч»: 1нче санлы Иске Чүпрәле мәктәбендә Соңгы кыңгырау чыңлады
Тантаналы тавышлар, дулкынланган ата — аналар, ак бантлар һәм аерылышуның беренче күз яшьләре – 2025 елның 24 маенда 1 нче санлы Иске Чүпрәле урта мәктәбендә Соңгы кыңгырау яңгырады.
2025 елның 24 маенда 1 нче санлы Иске Чүпрәле урта мәктәбендә Соңгы кыңгырауга багышланган тантаналы линейка булды. Бу көн чыгарылыш сыйныф укучылары, аларның ата-аналары һәм укытучылары хәтерендә мәңгегә сакланачак.
Бәйрәмдә Чүпрәле районы Башлыгы Марат Гафаров һәм Башкарма комитет җитәкчесе урынбасары Айрат Җәлалов катнашты.
Марат Гафаров укучыларга җылы сүзләр белән мөрәҗәгать итте:
“Кадерле балалар! Бүген сезнең өчен соңгы мәктәп кыңгыравы яңгырый. Алда — тормышның мөмкинлекләр һәм ачышлар белән тулы яңа этабы. Сезнең хыялларыгыз кыю, ә юлыгыз уңышлы булсын. Хәерле юл!”
Мәктәп директоры Лилия Насыйбуллина укучыларга тырышлыклары өчен рәхмәт белдерде һәм югары уку йортларына һәм көллиятләргә уңышлы керү, үңелгә хуш килә торган кызыклы һөнәр, укып бетергәннән соң туган районга кайтнуны теләде.
Беренче укытучы Румия Моратова, сыйныф җитәкчесе Нәзимә Кәримова һәм ата-аналар комитеты вәкиле Лилия Әхмәдова үзләренең теләкләрен теләделәр әйттеләр.
Укучылар күңелгә үтеп керерлек шигырьләр һәм җырлар әзерләгәннәр, педагогларга рәхмәтләрен җиткерделәр. Бәйрәмнең кульминациясе чыгарылыш вальсы булды, ә азакта күккә төрле төстәге дистәләгән шарлар күтәрелде — балачак белән хушлашу символы.
Хәзер чыгарылыш укучыларын җаваплы вакыт көтә-дәүләт имтиханнары. Аларга уңышлар, югары баллар һәм барлык планнары тормышка ашуын телик!