Татарстан Республикасы Чүпрәле муниципаль районында яшәүче Рокыя Хафизова 90 яшьлек юбилеен билгеләп үтте
Бүгенге көндә Рокыя Шәрипҗан кызы оныклары һәм оныкчыклары өчен иң бәхетле әни һәм әби.
Бүген, 2025 елның 20 маенда, Татарстан Республикасы Чүпрәле муниципаль районының Кече Чынлы авылында яшәүче Рокыя Шәрипҗан кызы Хафизова 90 яшьлек юбилеен билгеләп үтте.
Бу көнне ул Татарстан Республикасы Чүпрәле муниципаль районы Башкарма комитеты җитәкчесе Рөстәм Мөхәмәтҗановтан, Кече Чынлы авыл җирлеге башлыгы Гомәр Халитовтан җылы котлау сүзләре кабул итте. Кунаклар юбилярга Чүпрәле муниципаль районы Башлыгы Марат Гафаров исеменнән котлау открыткасы һәм бүләк тапшырдылар, сәламәтлек, бәхет теләделәр.
Рокыя Шәрипҗан кызы 1935 елның 25 маенда Татарстан АССРның Чүпрәле районы Кече Чынлы авылында туа. Ул катлаулы тормыш кичерә. Балачактан ук аңа шактый кыенлыклар кичерергә туры килә, язмыш аны иркәләми. Алар гаиләдә дүрт бала үсәләр. Бүгенге көндә ветеранның өч абыйсы инде исән түгел, Рокыя апа барлык балалар арасыннан ялгызы гына калган.
Сугыш башланганда аңа нибары 6 яшь була. Аңа, ул вакыттагы барлык кызлар кебек үк, бик күп эшләргә туры килгән. Сугыштан соң да аңа бик тырышып эшләргә туры килә.
Кечкенәдән үк авыл эшенә өйрәнгән. Мәктәптә аңа 2 сыйныфны гына тәмамларга туры килә. Башка балалар белән бергә аңа колхоз кырларында да эшләргә туры килә, башак җыйган, өлкәннәргә печән җыярга булышкан, чөгендердә дә озак еллар эшләгән.
Кияүгә чыкканчы һәм гаилә коргач, Рокыя апа колхозда эшләи, төрле эшләр башкара, яздан көзгә кадәр шикәр чөгендере басуларында эшли. Ире Мөкатдәс абый белән дүрт бала: өч ул һәм бер кыз үстерәләр. Мөкатдәс абый да гомер буе колхозда эшләгән, бригадир булган.
Алар үзләренең барлык балаларына лаеклы белем алырга, тормышта үз урыннарын табарга ярдәм иткәннәр. Бүгенге көндә Рокыя апаның барлык балалары гаиләләре белән шәһәрдә яши. Мөкатдәс абый 2005 елда бу дөньядан киткән. Рокыя апа ялгызы гына. Шуңа күрә кыш көне ул балалары янында яши, ә иртә язда кызы Резидә белән туган йортына кайта. Ә көзен шәһәргә китәләр.
- Безгә яхшы һәм хезмәт тәрбиясе биргәннәре өчен әниебезгә һәм әтиебезгә бик рәхмәтлебез. Алар безне кечкенәдән үк авыл тормышына, ныклыкка, максатчанлыкка өйрәттеләр. Алар ярдәмендә без барыбыз да бу тормышта үз урыныбызны таба алдык. Әниебезнең безнең белән булуы өчен дә без барыбыз да Аллага рәхмәтле, - дип сөйлиләр Рокыя апаның балалары.
Ркыя Шәрипҗан кызының 7 оныгы һәм 7 оныкчыгы бар.
Бүгенге көндә Рокыя апа оныклары Һәм оныкчыклары өчен иң бәхетле әни һәм әби. Рокыя апаның юбилеена балалары, оныклары кайткан, алар әниләрен, әбиләрен юбилее белән котладылар, аңа зур рәхмәт сүзләре җиткерделәр, сәламәтлек, бәхет һәм бетмәс-төкәнмәс энергия теләделәр.
Еллар узган саен юбиляр рухын югалтмады, авыл вакыйгаларыннан хәбәрдар булып яши. Аның хәтере бик яхшы, үткән вакыйгаларны хәтерли.
Юбилярга сәламәтлеге какшамасын, тормыш сөючәнлеге һәм оптимизмы беркайчан да бетмәсен, ә якыннары үзләренең кайгыртулары һәм игътибарлары белән сөендерсен дип телибез.