«Без бергә» фестиваленең зона этабы Чүпрәледә Татарстанның җиде районыннан яшь талантларны җыйды
«Без бергә» фестивале — ата-бабаларыбызның бай мирасын саклап калу һәм киләчәк буыннарга тапшыру мөмкинлеге.
2025 елның 16 маенда Чүпрәле районында «Без бергә» Республика балалар сәнгать халык иҗаты фестиваленең зона этабы узды. Фестивальдә җиде районнан: Апас, Тәтеш, Буа, Кайбыч, Кама Тамагы, Чүпрәле һәм Югары Ослан районнарыннан гомуми белем бирү һәм өстәмә белем бирү оешмалары укучылары катнашты.
Фестивальнең максаты-балаларның халык иҗаты өлкәсендәге сәләтләрен ачыклау, үстерү һәм аларга ярдәм итү, балаларның шәхси уңышларын тәрбияләү һәм аларны этномәдәни мирас кыйммәтләренә тарту.
Чара башланыр алдыннан фестивальдә катнашучыларның казанышлары күргәзмәсе әзерләнде.
Чарада катнашучыларны Чүпрәле районы Башкарма комитеты җитәкчесе урынбасары Айрат Җәлалов һәм мәгариф бүлеге башлыгы Газинур Хәлиуллов сәламләделәр, барысына да иҗади уңышлар теләделәр.
Фестиваль программасына төрле номинацияләр кертелгән иде: вокал, хореография, инструменталь ансамбль, нәфис уку, мода театры, театр куелышы һәм башкалар. Конкурста катнашучыларның чыгышларына жюри бәя бирде.
«Без бергә» фестивале Татарстан муниципаль районнарының иҗат коллективлары арасында дуслык элемтәләрен ныгыту, шулай ук өстәмә белем бирү педагоглары арасында тәҗрибә уртаклашу өчен мөһим мәйданчыкка әверелде.