Чүпрәле районы чәчүне төгәлли
Әледән-әле килеп яуган яңгырлар комачаулык итсә дә, көннәр бераз аязыту белән игенче-механизаторлар басуга чыга.
Район авыл хуҗалыгы һәм азык-төлек идарәсеннән 15 майга алынган мәгълүматлар буенча, бөртекле, азык һәм техник культуралар 34793 гектар мәйданда чәчелгән, шул исәптән, арпа — 7467 га, сабан бодае — 8204 га, борчак-516 га, солы — 521, рапс — 5345 га, көнбагыш-5045 га, шикәр чөгендере — 950 га мәйданны тәшкил итә. Бу барлык мәйданнарның 81,5 проценты дигән сүз.
«Цильна» җәмгыятендә 550 гектар мәйданда сабан бодае, 580 гектарда арпа, 100әр гектар мәйданда солы һәм борчак, 400 гектарда шикәр чөгендере культуралары орлыклары җир куенына салынган, шулай ук, 350 гектар мәйданда силоска дип кукуруз, 350 гектарда катнашазык культуралары чәчелгән. Бүгенге көндә җәмгыятьтә чәчеләсе барлык мәйданнарның 96 процентында эшләр тәмамланган.
«Чүпрәле Рассвет Агро» җәмгыятендә 2216 гектар мәйданда орлыкка дип, 667 гектарда силос очен кукуруз, 5246 гектар мәйданда рапс, 1776 гектарда көнбагыш, 1484 гектарда соя культуралары орлыклары җир куенына салынган.
«АгроТрансПорт» җәмгыятендә исә 1106 гектар мәйданда чәчү үткәрелгән, бу барлык мәйданнарның 66 процентын тәшкил итә.
«Агро Вест» җәмгыятендә барлыгы 1660 гектар мәйданда бөртекле-кузаклы культуралар чәчелгән, шуларның 662 гектарын сабан бодае, 802 гектарын арпа, 196 гектарын борчак культуралары алып тора
«А.А. Низамов» крестьян-фермер хуҗалыгында 460 гектар мәйданда сабан бодае, 500 нектарда арпа, 100 гектарда көнбагыш культуралары чәчелгән, барлык мәйданнарның 92 процентында эш тәмамланган.
«Р. А. Бикчуров» крестьян-фермер хуҗалыгында 175 гектарда сабан бодае, 800 гектарда арпа, 120 гектарда борчак, 300 гектарда шикәр чөгендере, 200 гектарда көнбагыш, 300 гектарда берьеллык үлән культуралары орлыклары җир куенына салынган.
«И.Ф. Мәхмүтов» крестьян-фермер хуҗалыгында 1240 гектар мәйданда чәчү үткәрелгән.