Чүпрәле районыннан дүрт егет хезмәт итәргә китте
Чарада Чүпрәле районы хакимияте вәкилләре, авыл җирлекләре башлыклары, шулай ук хәрби хезмәткә чакырылучыларның туганнары һәм дуслары катнашты.
2025 елның 16 маенда П.В. Дементьев исемендәге хәрби паркта (Иске Чүпрәле авылы) язгы чакырылыш кысаларында дүрт егетне хәрби хезмәткә озату тантанасы узды.
Бу юлы Ватанны саклауга: Иске Уби авылыннан Руслан Әхмәтшин, Зур Чынлыдан Фаяз Сөләйманов, Иске Чәкедән Максим Хохлов, Чуваш Бизнәсе авылыннан Владлен Шиляков юл тотты.
Чарада Чүпрәле районы хакимияте вәкилләре, авыл җирлекләре башлыклары, шулай ук хәрби хезмәткә чакырылучыларның туганнары һәм дуслары катнашты.
Район Башкарма комитеты җитәкчесе урынбасары Айрат Җәлалов тәбрикләү сүзе белән чыгыш ясады. Ул Чүпрәле егетләренең хәрби хезмәттә һәрвакыт лаеклы хезмәт итүләрен билгеләп үтте һәм яңа хәрбиләргә уңышлар, ныклы армия дуслыгы һәм исән-имин өйләренә кайтуларын теләде. Булачак солдатларга шулай ук традицион «юл садакасы» тапшырылды.
Хәрби хезмәткә чакырылучыларның хезмәт урыны Казандагы Республика җыю пунктында билгеле булачак.