Чүпрәледә бриллиант туйларын билгеләп үтүче парларны хөрмәтләделәр
Бәйрәм табыны артында алар үзләренең яшьлекләре тарихы белән уртаклаштылар
Бүген, бәйрәм көнендә, Иске Ишле авылыннан Наҗия һәм Иргис Айнулловлар, Шланга авылыннан Әлфия һәм Иршат Айзатовлар гаиләләре бриллиант туйлары белән котлаулар кабул иттеләр.
Татарстан Республикасы Чүпрәле районы башлыгы Марат Гафаров, ГХАТ бүлеге начальнигы Альбина Шәрәфетдинова һәм авыл җирлекләре башлыклары Радик Мөхәммәтҗанов һәм Илдар Якупов белән бергә өйләренә барып, өлкәннәрне юбилей даталары белән котлады.
Айнулловлар гаиләсе 5 бала тәрбияләп үстергән, 9 оныклары һәм 6 оныкчыклары бар, гомер буе колхозда эшләгәннәр. Авылда, авылдашлары арасында ихтирам казанган тыйнак гаилә. Миләүшәләре- Иске Ишле урта мәктәбе директоры. икенче кызлары да авылда яши. Уллары Ульяновскида яши һәм эшлиләр. Кызганычка каршы, алар бер кызларын җирләгәннәр.
Айзатулловларның да бөтен хезмәт тормышы колхоз белән бәйләнгән. Иршат абый «Татарстан Республикасының атказанган механизаторы» исеменә ия, комабайнер, тракторчы булып эшләгән, хәзерге вакытта авылда имам-хатыйб булып эшли. Әлфия апа да колхозда эшли, 2 бала үстерәләр, алар авылда яшиләр.
Гаиләләрнең үз тормыш тарихлары. Өстәл артында алар үзләренең яшьлек тарихлары, хезмәт көннәре, бәхетле тормышлары турында сөйләделәр.
- Бәхетле, озак яшәгез, балаларыгызны, оныкларыгызны һәм оныкчыкларыгызны сөендерегез. Сез безнең барыбыз өчен дә үрнәк, «гаилә» дигән зур мәгънәле сүзнең үрнәге булып торасыз. Сезгә сәламәтлек, иминлек һәм озын гомер телим. Йортыгыз һәрвакыт мәхәббәт һәм кайгырту белән тулсын, ә янәшәгездә сезне яратучылар һәм кадерләүчеләр булсын!, диде Марат Ринат улы бәйрәм белән котлап.