Чүпрәледә Җиңү көнен бәйрәм итү кысаларында “Хезмәткә һәм оборонага әзер” мобиль мәйданчыгы эшләде

2025 елның 12 мае, дүшәмбе

9 май көнне Иске Чүпрәле авылының «Чүпрәле» паркында 1941-1945 еллардагы Бөек Ватан сугышында Җиңүнең 80 еллыгына багышланган бәйрәм чаралары узды.

«Спорт мәктәбе» тестлаштыру үзәге хезмәткәрләре тарафыннан «Хезмәткә һәм оборонага әзер» нормативларын үтәү өчен мобиль мәйданчыгы оештырылды. Нормативлар: гимнастика эскәмиясендә баскан килеш алга иелү, гер күтәрү, урыннан озынлыкка сикерү, идәндә яткан килеш кулларны бөгү һәм турайту.

Исегезгә төшерәбез, ГТО комплексы «Физик культура һәм спортны үстерү» дәүләт программасы кысаларында гамәлгә ашырыла.