Чүпрәле районында ГТО алтын билгеләрен тапшыру тантанасы

2025 елның 7 мае, чәршәмбе

Бөек Ватан сугышында Җиңүнең 80 еллыгына багышланган «Алга, Җиңүгә!» X җиңел атлетика эстафетасын ачу кысаларында «Хезмәткә һәм оборонага әзер» Бөтенроссия физкультура-спорт комплексының алтын билгеләре тапшырылды.

Бүләкләргә Марков Николай Валерьевич-114 нче янгын сүндерү-коткару часте янгын сүндерүчесе, Юманов Валерий Александрович-Зур Аксу урта гомуми белем бирү мәктәбенең физик культура укытучысы лаек булдылар.

Бүләкләү тантанасын Чүпрәле муниципаль районы Башкарма комитеты җитәкчесе үткәрде, билгеләргә ия булучыларның сәламәт яшәү рәвешен һәм спортны популярлаштыруга керткән өлешләрен билгеләп үтте.

Исегезгә төшерәбез, ГТО комплексы «Физик культура һәм спортны үстерү» дәүләт программасы кысаларында гамәлгә ашырыла.

Николай Валерьевичны һәм Валерий Александровичны лаеклы бүләкләре белән котлыйбыз!