Чүпрәле районында “Алга, Җиңүгә!” X җиңел атлетика эстафетасы нәтиҗәләре
Эстафета трассасы 9 этаптан торды, ә катнашучылар өч категориядә көч сынаштылар: гомуми белем бирү мәктәпләре, авыл җирлекләре, предприятиеләр һәм оешмалар.
2025 елның 6 маенда Чүпрәле районы чаңгы базасында Бөек Ватан сугышында Җиңүнең 80 еллыгына багышланган “Алга, Җиңүгә!” X традицион җиңел атлетика эстафетасы узды. Ярышларда мәктәп укучылары, техникум студентлары, авыл җирлекләрендә яшәүчеләр, шулай ук район оешма-предприятиеләре вәкилләре катнашты.
Тантаналы ачылыш район Башкарма комитеты җитәкчесе Рөстәм Мөхәмәтҗанов, яшьләр эшләре, спорт һәм туризм бүлеге начальнигы Руслан Вильданов һәм җиңел атлетика федерациясенең район филиалы җитәкчесе Евгений Иванцовның сәламләү сүзләреннән башланды. ГТО отличие билгеләре белән бүләкләү аеруча мөһим вакыйга булды. «Әти, әни, Мин-ГТО гаиләсе» республика онлайн-акциясенең җиңүчесе Зур Аксу урта мәктәбе укучысы Ангелина Гордеева булды.
Эстафета трассасы 9 этаптан торды, ә катнашучылар өч категориядә көч сынаштылар: гомуми белем бирү мәктәпләре, авыл җирлекләре, предприятиеләр һәм оешмалар.
Ярыш нәтиҗәләре:
Мәктәпләр арасында:
1 урын — Зур Аксу урта мәктәбе командасы
2 урын — Чуаш Чүпрәле урта мәктәбе командасы
3 урын — Иске Шәйморза урта мәктәбе командасы
Авыл җирлекләре арасында:
1 урын — Чуаш Чүпрәле авыл җирлеге командасы
2 урын — Үби авылы командасы
Предприятиеләр һәм оешмалар арасында:
1 урын — 114 нче янгын сүндерү-коткару часте һәм балалар бакчасы командасы
2 урын — Чүпрәле районы администрациясе командасы
3 урын — РОВД командасы
Җиңүчеләрне һәм призерларны лаеклы нәтиҗәләр белән котлыйбыз! Әлеге спорт бәйрәмен уздыруга керткән өлешләре өчен барлык катнашучыларга, оештыручыларга һәм тамашачыларга рәхмәт белдерәбез. Яңа спорт үрләренә ирешүдә алга таба да уңышлар телибез!
Эстафета җиңел атлетика буенча федерация филиалы җитәкчесе — “Прогресс” муниципаль унитар предприятиесе директоры Евгений Николаевич Иванцов инициативасы һәм иганәчелеге белән узды.
Эстафетаны уздыру кысаларында “Хезмәткә һәм оборонага әзер” нормативларын үтәү өчен мобиль мәйданчык оештырылды. Исегезгә төшерәбез, ГТО комплексы “Физик культура һәм спортны үстерү” дәүләт программасы кысаларында гамәлгә ашырыла.