Аларның батырлыгы үлемсез: Татарстан Республикасы Чүпрәле районында махсус хәрби опрерация геройларының орден һәм медальләрен туганнарына тапшырдылар
Каһарманнарыбызның батырлыклары халык хәтерендә мәңгегә калачак.
ТР Чүпрәле районы Башкарма комитеты залында махсус хәрби операция зонасында һәлак булган хәрбиләрнең туганнарына орден һәм медальләр тапшыру чарасы булды. Тантана Ватан өчен гомерләрен бирүчеләргә истәлек һәм рәхмәт символына әверелде.
Андриан Мышовның «Батырлык өчен» медале һәм Батырлык ордены аның улы Дениска тапшырылды.
Иван Кудряшовның II дәрәҗә «Хәрби батырлык өчен» медале һәм Батырлык ордены аның әнисе Валентина Кудряшовага тапшырылды.
Айрат Шигаповның Батырлык Орденын аның әтисе Абдуллаҗан Шигапов алды.
Руслан Шәмитовның «Батырлык өчен» медале аның килене Виктория Мерчинага тапшырылды.
Чарада район Башлыгы Марат Гафаров, Татарстан Республикасы Дәүләт Советы депутаты Ринат Гайзатуллин, Буа һәм Чүпрәле районнары хәрби комиссары Радик Төхфәтуллин чыгыш ясады. Алар һәлак булган сугышчыларның әти-әниләренә һәм якыннарына тирән рәхмәтләрен белдерделәр, улларының батырлыклары халык хәтерендә мәңгегә сакланачагын ассызыкладылар.
“Геройларның исемнәре онытылмаячак. Аларның батырлыгы-чын патриотизм үрнәге”, - дип билгеләп үттеләр чыгыш ясаучылар.