Рөстәм Миңнеханов якташыбыз Динар Алимовны "Татарстан Республикасы алдындагы казанышлары өчен" ордены медале белән бүләкләде
2025 елның 22 февралендә «Казан Экспо» күргәзмә үзәгендә узган Ватанны саклаучылар көненә багышланган Концерт 2,5 меңнән артык кеше җыйды.
Кунаклар арасында махсус хәрби операциядә катнашучылар һәм ветераннар, сугышчы-интернационалистлар, башка хәрби конфликтлар ветераннары, көч структуралары һәм хокук саклау органнары вәкилләре, шулай ук аларның гаилә әгъзалары бар иде.
Чарада Татарстан Республикасы Чүпрәле муниципаль районы делегациясе дә катнашты.
Чара геройларны искә алу һәм илне саклаучыларга рәхмәт белдерү өчен төрле буын кешеләрен берләштергән мөһим вакыйгага әверелде.
Ахырда Россия Федерациясе һәм Татарстан Республикасы дәүләт бүләкләрен тапшыру тантанасы булды.
Бүләкләрне Татарстан Республикасы Рәисе Рөстәм Миңнеханов тапшырды.
Алар арасында Иске Чүпрәле авылыннан якташыбыз Данир Алимов та бар иде. Ул "Татарстан Республикасы алдындагы казанышлары өчен" ордены медале белән бүләкләнде.