Чүпрәледә Халыклар бердәмлеге көненә багышланган волейбол буенча ачык район турниры узачак

2024 елның 1 ноябре, җомга

2024 елның 4 ноябрендә Иске Чүпрәле авылының «Алтын» универсаль спорт залында «Бердәм Россия» партиясе призына ир-атлар командалары арасында Халыклар бердәмлеге көненә багышланган волейбол буенча ачык район турниры узачак.

Турнирда катнашу өчен районның авыл җирлекләре, оешмалар һәм предприятиеләр командалары чакырыла. Турнир кысаларында ГТО нормативларын үтәү өчен мобиль мәйданчык оештырылачак. Исегезгә төшерәбез, ГТО комплексы «Спорт - тормыш нормасы» федераль проекты «Демография» милли проекты кысаларында гамәлгә ашырыла.

Командаларны һәм җанатарларны турнирга чакырабыз!