Агросәнәгать комплексының яшь хезмәткәрләре арасында «Һөнәре буенча иң яхшы» республика һөнәри осталык конкурсы
Татарстан Республикасының “Авыл яшьләре” төбәк проектын гамәлгә ашыру кысаларында 2024 елның 15-16 ноябрендә агросәнәгать комплексының яшь хезмәткәрләре арасында номинацияләр буенча “Һөнәре буенча иң яхшы” республика һөнәри осталык конкурсын уздыру планлаштырыла:
– «Иң яхшы инженер-механик»;
– «Иң яхшы агроном»;
– «Иң яхшы бухгалтер-икътисадчы»;
– «Иң яхшы ветеринария табибы»;
– «Иң яхшы зоотехник»;
– «Иң яхшы механизатор»;
– «Машина белән сыер савучы иң яхшы оператор»;
– «Терлек үрчетү буенча иң яхшы технолог»;
– «Азык-төлек җитештерү буенча иң яхшы технолог».
Приз фонды:
Гран-при - 200 000 сум.;
1 урын - 50 000 сум.;
2 урын - 40 000 сум.;
3 урын - 30 000 сум.;
Конкурста катнашучыларның һәркайсына - 5000 сум.
Конкурста беренче урынны алган җиңүчеләр белгечлекләре буенча иң эре авыл хуҗалыгы предприятиеләренә чит илгә стажировкага җибәреләчәк.
Катнашучыларга таләпләр:
- 18 яшьтән 35 яшькә кадәр булырга тиеш;
- урта махсус яки югары белеме булырга тиеш;
- авыл хуҗалыгы предприятиеләрендә белгечлек буенча кимендә бер ел эшләү тәҗрибәсе булырга тиеш.
Конкурста катнашу өчен https://clck.ru/3DemBT сылтамасы буенча 2024 елның 10 ноябренә кадәр электрон заявка тутырырга кирәк.