Россия почтасы Татарстанда Москвичны газ-мотор ягулыгында сынап карый башлады
Россия почтасы «РариТЭК Ходинг» компаниясеннән метандагы Москвич 6 автомобилен сынау эксплуатациясенә кабул итте. Машина Татарстан почта маршрутларында ай дәвамында йөриячәк.
Автомобильне тапшыру тантанасы 2024 елда Петербург халыкара газ форумында узды. Автомобиль 104 ат көчендәге 1,5 литрлы двигатель белән җиһазландырылган. Машинаны ясау Мәскәүнең «Москвич» автомобиль заводы һәм «Газпром газомоторное топливо» компаниясе хезмәттәшлеге нәтиҗәсе булды, үз чиратында, «РариТЭК» бу маркадагы газ-мотор автомобильләрне Чаллыдагы үз мәйданчыгында җитештерә. Тест үткәрү барышында почта белгечләре автомобильнең икътисадый нәтиҗәлелеген һәм аның эргономиклылыгын анализлаячак.
“Россия почтасы автопаркны табигый газга күчерүне дәвам итә. Татарстанда газ-мотор ягулыгында эшләүче 30 почта машинасы эшли. Метан куллану компаниянең почта ташуларына чыгымнарын оптимальләштерергә мөмкинлек бирә, шулай ук атмосферага зарарлы матдәләр чыгаруны кимә - тирә мохитне саклауга зур өлеш кертә”, - дип ассызыклады Россия Почтасының Идел макротөбәге директоры Андрей Попов.
2023 елда Почта “Халык ягулыгы” программасы буенча “Газпром газомоторное топливо” компаниясе белән үзара хезмәттәшлек турында килешү имзалады. Хәзер компримировкаланган табигый газны мотор ягулыгы сыйфатында кулланучы почта техникасы автопаркы 190 20 тонналы КамАЗ магистраль тракторыннан һәм 160 җиңел коммерцияле транспорт чарасыннан тора (нигездә бу Lada Largus). Бу машиналарның барысы да Мәскәү, Санкт-Петербург, Казан, Самара, шулай ук Якутия һәм Сахалин почта маршрутларында йөри.
Моннан тыш, 2024 елда Россия Почтасы һәм Газпром газ-мотор ягулыгы тагын бер килешү төзеде, аның ярдәмендә киләсе елда метанга берничә йөз почта автомобиле күчереләчәк.
Исегезгә төшерәбез, агымдагы елның июнендә Россия Почтасы Казан белән Мәскәү арасында почта җибәрүләрен һәм коммерция йөкләрен ташый торган «Валдай 45» безнең ил йөк машинасын сынау өчен Татарстанны база төбәге итеп сайлады.