Балалы гаиләләргә финанс ярдәме 2024
Россиядә 2024 ел Президент тарафыннан Гаилә елы дип игълан ителде. Балалы гаиләләргә һәм өстәмәне планлаштыручы гаиләләргә ярдәм итү өчен «Демография» милли проекты гамәлгә ашырыла һәм федераль һәм төбәк дәрәҗәсендә комплекслы ярдәм системасы эшли.
Татарстанда 2024 ел башыннан бала туганда бер тапкыр бирелә торган пособиене Татарстанның 20 242 гаиләсе алды, моңа 502 млн сум бүлеп бирелгән, дип хәбәр иттеләр Россия Федерациясе Социаль фондының Татарстан Республикасы буенча бүлегендә.
Түләү күләме 24 604 сум тәшкил итә һәм гаилә кеременә бәйле түгел. Түләү һәр яңа туган балага билгеләнә. Пособие алу өчен эшләүче ата-ана үзенең эш бирүчесенә мөрәҗәгать итәргә тиеш. Әгәр гаиләнең бер әгъзасы да эшләмәсә, гаризаны Татарстан буенча СФРга, МФЦга яки дәүләт хезмәтләре аша бирергә мөмкин.
Акчаны опекуннар, тәрбиягә алган ата-аналар һәм уллыкка алучылар да алырга мөмкин.
Тулырак мәгълүматны +7(800)100-00-01 телефоны аша алырга мөмкин.
Исегезгә төшерәбез, пособиеләр йөкле хатыннарга билгеләнә, һәм бүгенге көндә булачак өч мең ана шундый түләүләр алган.
Шулай ук балалы гаиләләр «Гаилә ипотекасы»дәүләт ярдәме белән ташламалы программа ярдәмендә торак шартларын яхшырта алалар. Күп балалы гаиләләргә аерым игътибар бирелә-алар дәүләттән ипотека кредитын каплау өчен 450 мең сумга кадәр түләү алырга мөмкин.
«Демография» милли проекты ярдәмендә Россия төбәкләрендә өч яшькә кадәрге балалар өчен ясле төркемнәре булган яңа балалар бакчалары ачылды, шулай ук шәхси балалар бакчаларында өстәмә урыннар булдырылды. Ә әниләр бала карау буенча ялда яисә мәктәпкәчә яшьтәге балалар тәрбияләүче үзләрен һөнәрдә тормышка ашыру өчен түләүсез яңадан белем алырга мөмкин.
Мөмкин булган ярдәм чаралары турында тулырак мәгълүматны национальныепроекты.рф. сайтында табарга мөмкин.