Чүпрәле районында Гаилә елына багышланган мини-футбол буенча районара турнир узды
5 октябрь көнне Иске Чүпрәле авылының универсаль мини-футбол мәйданчыгында Гаилә елына багышланган 2007-2008 елгы яшүсмерләр арасында мини-футбол буенча районара турнир узды.
Ярышларда 6 төркем катнашты. Очрашулар йомгаклары буенча 1 нче урынны Иске Чүпрәле авылы төркеме (тренер-укытучысы Сәлахов Ринат Расых улы) алды, 2 нче урынны Чынлы бистәсенең «Платон» төркеме алды, 3 нче урынны Иске Чүпрәле авылының «Авангард» төркеме (тренер-укытучысы Паймушкин Николай Александр улы) алды.
Шулай ук Ульяновск өлкәсенең Городище, Чеботаевка авыллары командалары да катнашты. Җиңүчеләр һәм призерлар грамоталар һәм медальләр белән бүләкләнделәр.
Ярышлар кысаларында ГТО нормативларын үтәү өчен мобиль мәйданчык оештырылды. Исегезгә төшерәбез, ГТО комплексы «Спорт-тормыш нормасы» федераль проекты «Демография» милли проекты кысаларында гамәлгә ашырыла.