Чүпрәле эшмәкәрләрен “Минем бизнес. WB белән Старт” укыту форум-марафонына чакыралар
Татарстан Республикасы Икътисад министрлыгы, «Минем бизнес» үзәге Татарстан Республикасы эшмәкәрлекне яклау Фондының «Электрон сәүдә үзәге» һәм Wildberries маркетплейсы белән берлектә «Минем бизнес. WB белән Старт» форум-марафон башлануы турында игълан итә.
Форум-марафон кысаларында катнашучылар Wildberries маркетплейсының бөтен экосистемасы буенча белем алачак, шул исәптән шәхси кабинетны теркәү, реклама инструментлары кебек юнәлешләр, шулай ук яңа юнәлешләр – WB Travel һәм Цифрлы WB белән танышачак.
Марафон темаларының берсе Wildberries вәкилләре белән Татарстан Республикасы территориясендә заказлар бирү пунктларын ачу буенча лекция булачак. Әлеге форум-марафон үз бизнесын ачарга һәм илнең иң эре маркетплейсында сатулар башларга ниятләүчеләргә файдалы булачак. Үз бизнесын ачкан форум-марафонда катнашучылар арасында кыйммәтле призлар уйнатылачак.
Форум-марафонны үткәрү даталары 2024 елның 14 октябреннән 28 октябренә кадәр. Катнашуга гаризалар МСП.РФ цифрлы платформасында бирелә.
Форум-марафон турында мәгълүмат, шулай ук катнашу өчен гаризалар бирү буенча инструкцияләр https://ecom.tatar/education_marathon сайтында урнаштырылган.
Барлык булган сораулар буенча 8(843) 222-9-222 телефоны аша электрон сәүдә үзәгенә мөрәҗәгать итәргә була.