Балалар симерүен профилактикалау
Симерүне 21 гасырның йогышлы булмаган пандемиясе дип атыйлар. Симерүгә китерә торган төп куркыныч фактор – туклану рационына җавапсыз мөнәсәбәт.
Соңгы 10 елда симерү белән авыручы балалар һәм яшүсмерләр саны кимеми. Татарстан буенча Роспотребнадзор башлыгы Патяшина Марина Александровна сүзләренчә, «симерү» диагнозы куелган 14 яшькә кадәрге балалар саны Республиканың 26 районында арткан. Шул ук авыру 15-17 яшьлек яшүсмерләр арасында да «популяр» булып кала. Бу тема белән системалы рәвештә һәм барыбызга бергә шөгыльләнергә кирәк.
«Демография» милли проектының «Җәмәгать сәламәтлеген ныгыту» федераль проектын гамәлгә ашыру җәмәгать сәламәтлеген ныгыту системасын булдыруга юнәлдерелгән, ул хезмәткә сәләтле халыкның үлем куркынычы факторларын киметүгә юнәлдерелгән чараларны камилләштерүне, шул исәптән туклану рационына җаваплы мөнәсәбәт булдыруны күздә тота.
Россия Сәламәтлек саклау министрлыгы һәм «Милли өстенлекләр» сәламәт туклануны популярлаштыруга һәм балалар симерүен профилактикалауга юнәлдерелгән платформаны эшләтеп җибәрде. Порталда хәзерге мәктәп укучылары өстенлек биргән һөнәрләр тәкъдим ителгән: блогер, режиссер, табиб, галим, биотехнолог, уеннар уйлап табучы һәм башкалар. Һәр һөнәрнең үз үзенчәлеге бар: табиб өчен иммунитетны саклау мөһим, режиссерга тырышучан булырга кирәк, ә галимгә яңа ачышлар өчен үҗәтлек кирәк. Бу күнекмәләрне "арттырырга" сәламәт туклану ярдәм итә.
Национальныепроекты.рф/думайчтоешь порталында «Телеграм» мессенджерда «Образ жизни» бергәлегеннән сәламәт яшәү рәвеше стикерпакы алырга мөмкин.