Татарстан Республикасы Чүпрәле муниципаль районында спорт атналыгы башланды
2024 елның 6 августында Чүпрәле районының «Чемпион» спорткомплексында өстәл теннисы буенча һәм Үзәк мәйданчыкта баскетбол буенча турнир уза. Чаралар Бөтенроссия физкультурниклар көне кысаларында уздырыла.
Башкарма комитетның социаль мәсьәләләр буенча урынбасары Айрат Җәләлов барлык катнашучыларны сәламләде һәм аларга матур уен теләде. Ярышларда район мәктәпләре укучылары, студентлар, оешма-учреждениеләр һәм авыл җирлекләре хезмәткәрләре катнашты.
Җиңүчеләрне бүләкләү 9 августта 15:00 сәгатьтә «Чупрәле» паркында булачак. Турнир кысаларында шулай ук ГТО нормативларын тапшыру өчен мәйданчык оештырылды.
Баскетбол ярышлары федерациянең баскетбол филиалы җитәкчесе Вәлиуллов Алмаз Жадит улының иганәчелек ярдәме белән уза.
Өстәл теннисы буенча ярышлар өстәл теннисы буенча федерация филиалы җитәкчесе Низамов Альфред Альберт улының иганәчелек ярдәме белән уза.