БРИКС уеннарында ГТО мәйданчыгы
Төрле илләрдән килгән спортчылар нормативларны үти! Кичә, 18 июньдә, «БРИКС илләре спорт уеннары» халыкара мультиспорт чарасы кысаларында Казанда ГТО мәйданчыгы эшли башлады, анда теләгән һәркем 6 төрле сынау төрендә үз көчен сынап карый ала. Дөньяның төрле почмакларыннан спортчылар һәм физкультурачылар, шул исәптән Бразилия, Берләшкән Гарәп Әмирлекләре, Абхазия, Венесуэла, Һиндстан, Серб Республикасы һәм Беларусь, «Баскан килеш алга иелү»дә, «Гәүдәне аркада ятып күтәрү»дә, «озынлыкка сикерү»дә һәм башка нормативларда тәэсирле нәтиҗәләр күрсәттеләр. ГТО белгечләре катнашучыларга дөрес башкару техникасы белән ярдәм итәләр, Бөтенроссия физкультура-спорт хәрәкәте турында сөйлиләр һәм истәлекле сувенирлар тапшыралар. Беренче көнне мәйданчыкка «Спорт һәм социаль проектлар дирекциясе» генераль директоры (ГТО федераль операторы) Максим Денисов һәм Росконгресс протокол дирекциясе начальнигы Юлия Холоднова килеп, катнашучыларга ярдәм иттеләр һәм аларга уңышлар теләделәр. Иң яхшыларны бүләкләү тантанасы 18-22 июньнең һәр кичендә узачак. Бу халыкара чарада катнашучылар белән бергә физик культураны һәм сәламәт яшәү рәвешен саклыйк!