Равил Бикчуров “Россия Федерациясенең атказанган фермеры” медале һәм исеме белән бүләкләнде
Кече фермалар белән узган ел 128,1 млрд. сум тулай авыл хуҗалыгы продукциясе җитештерелгән.
Татарстан Республикасы Авыл хуҗалыгы һәм азык-төлек министрлыгында Фермерлар, крестьян хуҗалыклары һәм авыл хуҗалыгы кулланучылар кооперативлары ассоциациясе Советы һәм Президиумы утырышы булды.
Съезд эшендә Татарстан Республикасы Премьер — министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров һәм Татарстан Республикасы Фермерлар, крестьян хуҗалыклары һәм авыл хуҗалыгы кулланучылар кооперативлары ассоциациясе президенты Камияр Байтемиров катнашты.
ТР Чүпрәле районыннан съездда фермерлар ассоциациясе рәисе, КФХ җитәкчесе Равил Бикчуров катнашты.
Утырыш ахырында «Татарстан Республикасының Гаилә фермер династиясе»республика конкурсында җиңүчеләрне бүләкләү тантанасы узды. Шулай ук ведомство бүләкләре, Мактау грамоталары, күпьеллык һәм нәтиҗәле хезмәте өчен рәхмәт хатлары тапшырылды.
Медаль һәм «Россия Федерациясенең атказанган фермеры» исеменә Равил Адиевич Бикчуров лаек булды.
Котлыйбыз, уңышлар телибез!
Белешмә.
Кече формаларда узган ел 128,1 млрд.сум тулаем авыл хуҗалыгы продукциясе җитештерелгән, шул исәптән КФХ 30,1 млрд. сум фермерлар тарафыннан 205 мең тонна сөт, 25 мең тонна ит, 28 млн. йомырка, 864 мең тонна ашлык, 24 мең тонна бәрәңге, 35,4 мең тонна яшелчә җитештерелгән. Фермер хуҗалыкларында сыерлар саны 99 мең баш тәшкил итә, шул исәптән 36,4 мең сыер, 37 мең баш сарыклар һәм кәҗәләр, 1691 мең баш кош-корт.