Күбрәк балалар, азрак салым!
2019 елдан күп балалы гаиләләргә милеккә салым һәм җир салымы буенча салым ташламалары бирелә. Аларны өч һәм аннан да күбрәк балигъ булмаган балалары булган ата-аналар, уллыкка алучылар, опекуннар ала ала.
Физик затларның мөлкәтенә салым буенча һәр балага фатир яки бүлмә мәйданының биш квадрат метры һәм торак йортның җиде квадрат метры күләмендә өстәмә ташламалар бирелә. Мәсәлән, салым түләүченең өч баласы һәм 80 квадрат метрлы фатиры булса, салымны исәпләгәндә 20 квадрат метр күләмендә стандарт ташлама һәм һәр балага 5 квадрат метр өстәмә ташлама кулланылачак. Нәтиҗәдә, салымны 45 квадрат метр фатирның кадастр бәясеннән түләргә кирәк булачак.
Исегезгә төшерәбез, Федераль законнарда барлык салым түләүчеләр өчен салым инспекциясенә шәхси мөрәҗәгать итүне таләп итмәгән физик затларның милкенә салым ташламалары каралган. Бу күчемсез милек объектлары буенча ташламалар: торак йорт буенча 50кв.м., фатир яки торак йортның бер өлеше буенча 20кв.м., һәм бүлмә яки фатирның бер өлеше буенча 10кВ.м. салым түләнми, физик затларның милкенә салымны исәпләгәндә автомат рәвештә мондый ташлама бирелә. Салым инспекциясенә ташлама хокукын раслаучы өстәмә документлар бирү кирәкми.
Җир салымы буенча күп балалы балалар өчен ташлама салым базасын участоктан 600 квадрат метрга киметә. Мәсәлән, әгәр участок мәйданы 10 сутый булса һәм гражданның өч һәм аннан да күбрәк баласы булса, 6 сутыйны исәпкә алмагач, салымны 4 сутыйдан түләргә кирәк булачак, ә участок мәйданы 6 сутыйдан артмаса, салымны бөтенләй түләргә кирәкми.
Ташламага хокукы булган һәр граждан салым ташламасын теләсә нинди уңайлы ысул белән куллану турында гариза җибәрә ала: электрон рәвештә «физик затлар өчен салым түләүченең шәхси кабинеты» аша Россия Федераль салым хезмәте сайтында, теләсә кайсы салым инспекциясенә, шулай ук КФҮнең теләсә кайсы бүлекчәсенә мөрәҗәгать итеп; почта хәбәрләре белән. Әгәр элек ташлама бирелгән булса, салым инспекциясенә кабат мөрәҗәгать итәргә кирәкми.
Конкрет муниципаль берәмлектә билгеләнгән мөлкәт салымнары буенча ташламалар исемлеге белән Россия Федераль салым хезмәте сайтындагы nalog.gov.ru "Мөлкәт салымнары буенча ставкалар һәм ташламалар турында белешмә мәгълүмат" Интернет-сервисында танышырга мөмкин.