ТР Чүпрәле районында ГТО кышкы фестиваленең муниципаль этабы узды
ГТОның кышкы фестивалендә II-VI баскыч укучыларыннан торган 19 гомуми белем бирү учреждениесе командалары катнашты.
2024 елның 2 февралендә «Чемпион» физкультура-сәламәтләндерү комплексы һәм Иске Чүпрәле авылының чаңгы базасында Чүпрәле муниципаль районы укучылары Спартакиадасы кысаларында «Хезмәткә һәм оборонага әзер» ВФСК кышкы фестиваленең муниципаль этабы узды.
ВФСКның «Хезмәткә һәм оборонага әзер» кышкы фестивалендә районның II-VI баскыч укучыларыннан торган 19 гомуми белем бирү учреждениесе командасы катнашты. Һәр команда составында 5 укучы иде.
Барлык спортчыларны Башкарма комитет җитәкчесе урынбасары Айрат Җәләлов һәм спорт, яшьләр һәм туризм бүлеге башлыгы Руслан Вилданов сәламләде.
Җитәкчеләр һәркемгә уңышлар һәм яхшы кәеф теләделәр.
Фестиваль башланыр алдыннан ГТО Бөтенроссия физкультура-спорт комплексының алтын билге ияләре билгеләп үтелде, аларны Башкарма комитет җитәкчесе урынбасары Айрат Җәләлов тапшырды.
Кышкы фестиваль вакытында укучылар урыннан озынлыкка сикерү, гимнастика эскәмиясендә баскан килеш алга иелү, аркада яткан килеш гәүдәне күтәрү, биек перекладинада тартылу яки 16 кг гер күтәрү, идәндә яткан килеш кулларны бөгү һәм турайту, чаңгыда узышу буенча ГТО нормативларын үтәделәр.
Аннары фестивальдә катнашучыларның барысы да Иске Чүпрәле авылының яңа чаңгы базасында чаңгыда узышу нормативлары тапшырдылар.
Укучылар Спартакиадасы кысаларындагы Кышкы фестивальнең муниципаль этабы нәтиҗәләре соңрак ясалачак.