Чүпрәледә “Алтын волан” бадминтон буенча турнир узды
Ярышлар спорт һәм сәламәтлек декадасы кысаларында узды.
Бүген, 2024 елның 5 гыйнварында “Чемпион” физкультура-сәламәтләндерү комплексында Спорт һәм сәламәтлек декадасы кысаларында “Алтын волан” бадминтон буенча шәхси район ярышлары узды, анда районның иң яхшы спортчылары ярышты.
Уенчыларны һәм җанатарларны Район Башкарма комитеты җитәкчесенең социаль мәсьәләләр буенча урынбасары Айрат Җәләлов, яшьләр эшләре, спорт һәм туризм бүлеге җитәкчесе Руслан Вилданов һәм, әлбәттә инде, Кар Кызы белән Кыш бабай сәламләде. Алар залда утыручыларны Яңа ел белән котладылар, уенчыларга матур уеннар һәм уңышлар теләделәр.
Көн бик салкын булуга карамастан, ярышларда 50дән артык спортчы һәм җанатарлар катнашты.
Ярышлар югары дәрәҗәдә узды, чөнки монда бадминтон уены фанатлары барысы да җыелган иде. Шәхси ярышлар ялгыз разрядта ир-атлар һәм хатын-кызлар, егетләр һәм кызлар арасында аерым үткәрелде. Беренче, икенче һәм өченче урыннар өчен көрәш нык булды.
2006-2009 елгы яшүсмерләр арасында көрәш нәтиҗәсендә Эрнест Насибуллин - 1 урын, Федор Гордеев - 2 урын, Станислав Ефремов - 3 урын яулады.
2010-2012 елгы яшүсмерләр арасында Вадим Ильин - 1 урын, Игорь Карсаков - 2 урын, Петр Ларионов - 3 урын. 2010-2012 елгы кызлар арасында 1 урын - Кристина Карсакова, 2 урын - Мария Митрошкина, 3 урын - Яна Изендеева.
13 яшь һәм аннан өлкәнрәк булган яшүсмерләр арасында - Святослав Головин - 1 урын, Сергей Прокопьев - 2 урын, Алексей Мускатинов - 3 урын.
13 яшь һәм аннан өлкәнрәк булган кызлар арасында – 1 урын - Карина Захарова, 2 урын - Кристина Карабаева, 3 урын - Софья Карабаева.
18 яшь һәм аннан өлкәнрәк булган ирләр арасында – 1 урында - Рәсим Нуртдинов, 2 урында - Владислав Митрошкин, 3 урында - Валерий Юманов. Кызлар арасында 1 урын - Айгөл Яфизова, 2 урын - Нина Яковлева.
Барлык призерлар кубоклар һәм дипломнар, Яңа ел бүләкләре белән бүләкләнде. Уенның иганәчесе - Чүпрәле тармак технологияләре техникумы директоры Фәнил Яфизов иде.
Ярышлар үткәрү кысаларында залда шулай ук ГТО комплексы нормативларын үтәү буенча мобиль мәйданчык оештырылган иде.