ТР Чүпрәле районы башлыгы Марат Гафаров Есения белән Рамильнең Яңа ел теләген үтәде

2023 елның 29 декабре, җомга

Балалар «Теләкләр чыршысы» Яңа ел акциясендә катнаштылар.

2023 елның 28 декабрендә, ТР Чүпрәле районы башлыгы Марат Гафаров Иске Чүпрәле авылыннан Есения Ягашкина һәм Рамиль Нуртдиновның Яңа ел теләкләрен үтәде. Балалар «Теләкләр чыршысы» Бөтенроссия акциясе кысаларында хат язганнар.

Балалар янына район башлыгы белән бергә Кыш бабай һәм Кар кызы килде. Марат Гафаров балаларны якынлашып килүче Яңа ел белән котлады, сәламәтлек, укуларында уңышлар теләде.

- "Теләкләр чыршысы" - ул искиткеч акция, ул барыбызны да могҗизаларга ышандыра. Шуңа күрә могҗизаларга һәрвакыт ышанырга кирәк, алар һичшиксез тормышка ашачак - дип билгеләп үтте район башлыгы Марат Гафаров.