Татарстан Республикасы Чүпрәле муниципаль районының мәдәният бүлеге яңа автомобиль ачкычлары алды

2023 елның 28 декабре, пәнҗешәмбе

 Милли мәдәниятләр һәм традицияләр елы йомгаклары буенча Татарстан Республикасы Чүпрәле районы «Татарстанның мәдәни башкаласы» конкурсында 3 нче урынны алды.

Рәис Рөстәм Нургали улы Миңнеханов мәдәният учреждениеләренә яңа автомобиль ачкычлары тапшырды. Чара ТР Милли китапханәсе каршындагы мәйданда узды.

Республиканың мәдәният учреждениеләренә барлыгы 50 автомобиль тапшырылды. Алар арасында Татарстан Республикасы Чүпрәле муниципаль районының мәдәният бүлеге дә бар.

Исегезгә төшерәбез, Милли мәдәниятләр һәм традицияләр елы нәтиҗәләре буенча Татарстан Республикасы Чүпрәле районы “Татарстанның мәдәни башкаласы” конкурсында 3 нче урынны алды.