Чүпрәледә ГТО кышкы фестивале кысаларында алтын билгеләр белән бүләкләү булды
Кышкы фестиваль вакытында 11 сыйныф укучылары 6 баскыч сынау (тест) нормативларын үтәделәр.
16 декабрьдә “Чемпион” физкультура-сәламәтләндерү комплексы һәм “Акчарлак” йөзү бассейны базасында гомуми белем бирү учреждениеләренең 11 сыйныф укучылары арасында “Хезмәткә һәм оборонага әзер” Бөтенроссия физкультура-спорт комплексы кышкы фестивале узды.
Фестивальне тантаналы ачу вакытында Чүпрәле муниципаль районы Башкарма комитеты җитәкчесе урынбасары Җәләлов Айрат Фиркатович “Хезмәткә һәм оборонага әзер” ВФСКның алтын билгесенә ия булучыларны бүләкләде: Вилданов Камил һәм Долгова Анастасияне - Иске Чүпрәле 1 нче урта гомуми белем бирү мәктәбе укучылары, Синдюкова Янаны - Чуваш Чүпрәле урта гомуми белем бирү мәктәбе укучысы һәм Иске Чүпрәле күппрофильле лицей укучысы Нуртдинов Айнурны.