ТР Чүпрәле районында Билгесез солдат көне кысаларында һәлак булган сугышчыларны искә алдылар
Россиядә ел саен билгеләп үтелә торган бу истәлекле дата 2014 елда Россия Федерациясе Президенты Владимир Путин тарафыннан гамәлгә куелган.
Билгесез солдат көне илебез территориясендә яки аннан читтә сугыш хәрәкәтләрендә һәлак булган һәм исеме билгесез калган Россия һәм Совет сугышчылары истәлегенә булдырылган. Бу көнне без азатлык өчен көрәшүче сугышчыларга мәхәббәт һәм хөрмәт бирәбез, фашистлардан һәлак булганнарны искә алабыз.
Аларга, Ватан сакчыларына, Дан мемориаллары, обелисклар төзегән. Кардәшлек каберләрендә чәчәкләр беркайчан да корымый. Бәйрәм хөрмәтенә бөтен ил буенча бу көнне төрле истәлекле һәм тантаналы чаралар, һәлак булган сугышчылар мемориалларына чәчәкләр салу тантаналары уза.
Бүген, 2023 елның 4 декабрендә, ТР Чүпрәле районында Мәңгелек ут янында Билгесез солдат көненә багышланган митинг уздырылды. Чарада Яшь армиячеләр, форпостчылар, сугыш хәрәкәтләре ветераннары, хезмәт ветераннары, район оешмалары коллективлары катнашты.
— Без «рәхмәт» дип әйтәбез һәм Ватаныбыз өчен курыкмыйча көрәшкән геройлар истәлегенә хөрмәт күрсәтәбез һәм без аларның батырлыгын истә тотарга тиешбез, - дип билгеләп үтте район Башкарма комитеты җитәкчесе урынбасары Айрат Җәләлов митинг вакытында.
Район үзәгендәге Мәңгелек утка чәчәкләр куелды, билгесез солдатларның якты истәлеге бер минут тынлык белән искә алынды.