Чүпрәле районы командасы җәйге ГТО йомгаклары буенча 4 нче урынны алды
Татарстан Республикасы районнары командалары арасында Чүпрәле командасы, 4нче урынны яулап, призлы урыннан бер адымда гына артта калды.
10 октябрьдә Татарстан Республикасы халкы арасында 2023 елда «Хезмәткә һәм оборонага әзер» (ГТО) физкультура-спорт комплексы җәйге фестиваленең финал этабы тәмамланды. Чара августтан «Демография» милли проектының «Спорт - яшәү нормасы» федераль проектын гамәлгә ашыру кысаларында узды.
Финал этабында зона этабында җиңүчеләр катнашты. Ярышлар фестивальнең 2нче этабы беркетмәләре нәтиҗәләре буенча читтән торып үткәрелде.
Җәйге фестивальнең призерлары:
Шәһәрләр командалары арасында
1 урын - Әлмәт
2 урын - Казан
3 урын - Яр Чаллы
Районнар командалары арасында
1 урын - Яшел Үзән районы
2 урын - Нурлат районы
3 урын - Саба районы
ГТО Җәйге фестивалендә 2023 елда барлыгы 8 яшьтән 59 яшькә кадәрге 7000 кеше катнашты. Алар спорт снаряды ыргыту, көч гимнастикасы, урыннан озынлыкка сикерү, гимнастик эскәмиягә баскан килеш алга таба иелү, пневматик винтовкадан яисә электрон коралдан ату кебек сынауларда, кыска һәм озын дистанцияләргә йөгерүдә үзара ярыштылар.
Җиңүчеләрне ГТО комплексының брендланган экипировкасы, кубоклары, медальләре һәм дипломнары белән бүләкләделәр.