Чүпрәле районында «Хезмәткә һәм оборонага әзер» ВФСК җәйге фестиваленең зона этабы узды
Ярышларда Апас, Чүпрәле, Кайбыч, Буа һәм Тәтеш районнары командалары катнашты.
Бүген, 2023 елның 6 октябрендә, «Алтын» универсаль спорт комплексы базасында һәм Иске Чүпрәле авылының универсаль спорт мәйданчыгында (боз сарае янында) 2023 елда Татарстан Республикасы халкы арасында «Хезмәткә һәм оборонага әзер» ВФСК җәйге фестиваленең зона этабы узды.
Фестивальдә Татарстан Республикасының Идел аръягы зонасы командалары: Апас, Чүпрәле, Кайбыч, Буа һәм Тәтеш районнары командалары катнашты.
Фестивальнең максаты-гражданнарны физик культура һәм спорт белән системалы шөгыльләнүгә җәлеп итү. Фестивальнең зона этабында «Хезмәткә һәм оборонага әзер»комплексының II-ХV баскычларына караган 9 яшьтән 59 яшькә кадәрге спорт сөючеләр катнашты. Республика районнарының һәр командасында ундүрт кеше, ягъни һәр баскычтан бер вәкил булган. Команда беренчелеге спорт программаларында команданың барлык катнашучылары тарафыннан ГТО комплексының тиешле яшь баскычларында җыелган очколар суммасы буенча билгеләнә. ГТО фестивалендә катнашучылар биек перекладинада тартылу, идәндә яткан килеш кулларны бөгеп һәм җәеп тору, гер күтәрү, аркада яткан килеш гәүдәне күтәрү, озынлыкка сикерү, йөгерү, ату һәм башка дисциплиналарда көч сынаштылар.
Ярышлар «Алтын» спорткомплексында башланды, ә йөгерү һәм граната ыргыту буенча ярышлар Иске Чүпрәле авылының универсаль спорт мәйданчыгында дәвам итте.
«Хезмәткә һәм оборонага әзер» җәйге фестиваленең зона этабында катнашучыларны Чүпрәле муниципаль районы Башкарма комитеты җитәкчесенең социаль мәсьәләләр буенча урынбасары Айрат Җәләлов һәм яшьләр эшләре, спорт һәм туризм бүлеге башлыгы Руслан Вилданов җылы сәламләде. Аннары Айрат Фиркат улы ГТОның алтын отличие билгеләре ияләрен һәм «ГТО белән 1нче сыйныфка» Республика онлайн акциясе җиңүчесен бүләкләде.
Шунысын да билгеләп үтәргә кирәк, барлык командалар көчле булган һәм барлык катнашучылар барлык сынауларны төрле баскычларда лаеклы узган.
Үзләренең яшь баскычларында иң яхшы нәтиҗәләр күрсәткән Егор Старшов (2 баскыч), Андрей Сердцев (3 баскыч), Александр Дергунов (4 баскыч), Азат Хәмдиев (5 баскыч), Сергей Шавкин (6 баскыч), Сергей Юманов (7 баскыч), Динар Алимов (8 баскыч), Гөлнара Хәләлиева (9 баскыч), Фәнис Гомәров (10 баскыч), Назилә Яфизова (11 баскыч), Рөстәм Бикмөхәммәтов (12 баскыч), Игорь Мамкин (13 баскыч), Сергей Мамкин (14 баскыч), Михаил Тайманов (15 баскыч) җиңүченең грамоталары һәм медальләре белән бүләкләнделәр.
Ярышлар нәтиҗәләре буенча команда зачетында Чүпрәле районы спортчылары җиңүче булды, икенче урынны Тәтеш районы спортчылары һәм 3 урынны Апас районы командасы алды.
Призлы урыннарны алган командаларга грамоталар һәм призерлар кубогы тапшырылды. Кайбыч районы командасына актив катнашкан өчен катнашучының грамотасы тапшырылды.