Россиянең сигез төбәгеннән умартачылар ТР Чүпрәле районында "Бал ярминкәсендә" яңа уңыш тәкъдим итәчәк
Быел чара бишенче тапкыр үткәрелә.
2023 елның 28 августында Татарстан Республикасының Иске Чүпрәле авылының район үзәгендә төбәкара «Бал ярминкәсе» узачак. Быел чара бишенче тапкыр үткәрелә.
Быелгы "Бал ярминкәсендә" чүпрәлеләргә Россиянең сигез төбәгеннән умартачылар үз продукциясен тәкъдим итәчәк. Түбән Новгород, Мордовия, Чувашия, Ульяновск өлкәсе, Марий-Эл, Пенза, Самара өлкәләре, Кукмара, Лаеш, Кама Тамагы, Саба, Тәтеш һәм Татарстанның башка районнарыннан умартачылар үзләренең күпсанлы умарталарыннан иң яхшы сайлап алынган бал сортларын алып киләчәкләр. Әлбәттә, чарада Чүпрәле районы умартачылары да катнашачак. Барлыгы 50дән артык умартачы катнашыр дип көтелә.
Ярминкәгә килүчеләр продукциянең киң ассортиментын сынап карый алачак, тәҗрибәле умартачылар белән аралаша алачак, ә иң мөһиме —кышка табигый бал запасын тулыландырачак. Моннан тыш, умартачылыкның төрле продуктлары тәкъдим ителәчәк.
Без Чүпрәле районында яшәүчеләрне һәм кунакларны бал ярминкәсенә чакырабыз. Ярминкә көн дәвамында иртәнге 8.00 сәгатьтән эшләячәк.
Бу көнне, шулай ук Чүпрәле районы оешу көнен бәйрәм итүгә бәйле рәвештә, «Чүпрәле» паркында төрле мәдәни чаралар күрсәтеләчәк. Чәчәкләр фестивале оештырылачак, «Көз бүләкләре» күргәзмәсе һәм башка күп нәрсәләр эшләячәк.
Кыскасы, килегез, карагыз, мөмкинлекне кулланыгыз!