ТР Чүпрәле районында «Мәктәп автобусының иң яхшы йөртүчесе " конкурсы узды
Конкурста 10 мәктәп автобусы йөртүчесе катнашты.
18 августта Чүпрәле районында «Мәктәп автобусының иң яхшы йөртүчесе» район һөнәри осталык конкурсы үткәрелде. Конкурста 10 мәктәп автобусы йөртүчесе катнашты. Чара "Игътибар-балалар!" оператив-профилактик чара башлану алдыннан оештырылды .
Чара «Данадис» ҖЧҖдә район мәктәп автобуслары йөртүчеләре белән бер төркем балаларны автобусларда йөртү турында профилактик әңгәмәдән башланды.
Чара Чүпрәле районы ЮХИДИ инспекторы Рамил Шәрәпов, «Юл хәрәкәте иминлеге» дәүләт бюджет учреждениесенең Буа бүлекчәсе әйдәп баручы белгече Лилия Вахитова катнашында узды.
Безнең районда мәктәп укучыларын йөртү белән «Данадис»ҖЧҖ хезмәт күрсәтә торган мәктәп автобуслары шөгыльләнә. Шунысын да әйтергә кирәк, балалар йөртү белән шөгыльләнүче мәктәп автобуслары яңа диярлек. Һәрбер йөртүчедә ай саен тикшерелә торган машина йөртүче картасы бар. Бу карта буенча йөртүче нормаль рәвештә йөрүче яки ниндидер тайпылышлар барлыгын билгели.
Лилия Вахитова әңгәмә вакытында машина йөртүчеләргә пассажирлар йөртү кагыйдәләрен искә төшерде, юл-транспорт һәлакәтләре статистикасын китерде, юл кагыйдәләрен бозган өчен җәзаның котылгысыз булуы турында сөйләде. Лилия Илдаровна шулай ук машина йөртүчеләрне дистанцияне үтәүнең мөһимлегенә игътибар итәргә чакырды.
Лилия Вахитова «Игътибар-балалар!" Чүпрәле районы автоинспекторлары тарафыннан балаларны йөртү кагыйдәләрен бозуны профилактикалауга юнәлдерелгән чаралар һәм машина йөртүчеләрне тикшерү; машина йөртүчеләрнең җәяүлеләргә өстенлек бирмәве белән бәйле юл хәрәкәте кагыйдәләрен бозуны профилактикалау буенча чаралар; яктылык кайтаручы элементларны популярлаштыру буенча чаралар үткәреләчәк. Машина йөртүчеләргә шулай ук юл хәрәкәте кагыйдәләре буенча белешмәләр таратылды.
Район һөнәри осталык конкурсының теоретик өлеше Чүпрәле тармак технологияләре техникумы базасында үткәрелде.
Техникум базасында конкурста катнашучылар теоретик юл хәрәкәте кагыйдәләрен белү буенча ярыштылар.
Конкурс нәтиҗәләре буенча ярышларда җиңүчеләр һәм призерлар ачыкланды: 1 урынны Нурмихат Садыйков, 2 урынны Владимир Батырев һәм 3 урынны Рәшит Хәйруллин яулады. Барлык җиңүчеләргә грамоталар һәм бүләкләр тапшырылды. Конкурста катнашучыларның калганнары да игътибарсыз калмады, аларга бүләкләр таратылды. Барлык бүләкләр дә «Юл хәрәкәте иминлеге» ДБУ тарафыннан әзерләнгән.