ТР Чүпрәле район Советының утызынчы утырышында төрле мәсьәләләр каралды
Утырыш бүген, 2023 елның 17 августында узды.
"Татарстан Республикасы Чүпрәле муниципаль районы Советының 2023 елга һәм 2024 һәм 2025 еллар план чорына Татарстан Республикасы Чүпрәле муниципаль районы бюджеты турында 14.12.2022 № 23/2 карарына үзгәрешләр кертү хакында "район финанс-бюджет палатасы рәисе Илдар Ракипов чыгышы тыңланды.
Икенче һәм өченче сораулар буенча: «Татарстан Республикасы Чүпрәле муниципаль районында бюджет төзелеше һәм бюджет процессы турындагы нигезләмәгә үзгәрешләр кертү турында;» "Татарстан Республикасы Чүпрәле муниципаль районы Советының аерым карарларына үзгәрешләр кертү турында" район Башлыгы урынбасары Алексей Ярухин чыгыш ясады.
Иске Чүпрәле авыл җирлегенең генераль планын раслау буенча докладны район төзелеш, архитектура һәм торак-коммуналь хуҗалык бүлеге башлыгы Радик Баһаутдинов тәкъдим итте.
Бишенче мәсьәләне карау алдыннан район Башлыгы Марат Гафаров аның исеменә районның милек һәм җир мөнәсәбәтләре Палатасы рәисеннән гариза килүен хәбәр итте. Анда Палата рәисе аны вазифасыннан азат итүне сорый. Исегезгә төшерәбез, бу вазифаны районда Булат Ханбиков биләде. Марат Гафаров аңа хезмәте өчен рәхмәт белдерде һәм Мактау грамотасы тапшырды.
Утырыш барышында депутатлар Чүпрәле муниципаль районы милек һәм җир мөнәсәбәтләре Палатасы рәисе вазыйфаларын вакытлыча йөкләү мәсьәләсен дә карадылар. Бу вазифа моңа кадәр район Башлыгының коррупциягә каршы тору буенча ярдәмчесе булып эшләгән Ирек Хәйруллинга йөкләнә.