Чүпрәлеләр Бөтенроссия физкультурачы көнен билгеләп үттеләр
Физкультурачы көнен спортчылар, тренерлар, физик культура укытучылары, спорт ветераннары билгеләп үтәләр, физкультура һәм спорт белән шөгыльләнү нык сәламәтлек һәм яхшы кәефтән, үз сәләтләрен һәм җиңүгә омтылышын үстерү мөмкинлегеннән аерылгысыз булган һәркем.
11 августта, спортка битараф булмаганнар Физкультурачы көненә багышланган чараларда катнаштылар. Чүпрәле муниципаль районы Башлыгы Марат Гафаров, Башкарма комитет җитәкчесе Рөстәм Мөхәмәтҗәнов, Башкарма комитет җитәкчесенең социаль мәсьәләләр буенча урынбасары Айрат Җәлалов, яшьләр эшләре, спорт һәм туризм бүлеге башлыгы Руслан Вилданов спортның аерылгысыз өлеше булган барлык чүпрәлеләрне котладылар.
Барыбызны да бәйрәм белән котлап, Марат Гафаров спортчыларыбызның район һәм республика дәрәҗәсендә генә түгел, Россиядә һәм Европада казанышларын билгеләп үтте. Мәсәлән, якташыбыз Петр Мускатинов-Россиянең көмеш призеры, Европаның бронза призеры һәм армреслинг буенча Татарстан Республикасының сигез тапкыр чемпионы һәм аңа Россиянең спорт мастеры дигән мактаулы исем бирелде.
- Бүген безнең тренерларга, физкультура укытучыларына яшь буынны әзерләгәнегез, югары нәтиҗәләр күрсәткәнегез өчен рәхмәт белдерәсем килә. Бүгенге көндә безнең районда 3 спорт мастеры, 5 спорт мастеры кандидаты бар, бу-тренерларыбызның казанышы. Физкультурачы көне белән котлыйм, сезгә рух күтәренкелеге, бетмәс энергия, сәламәтлек һәм яңа җиңүләр телим, - диде Марат Гафаров.
Рөстәм Мөхәмәтҗәнов киләчәктә дә чүпрәлеләрнең спорт уңышлары белән сөендерәчәгенә өмет белдерде.
- Барыгызга да бәйрәм белән, районда физкультура һәм спортны үстергәнегез өчен рәхмәт. Сезнең күбегез зур өлеш кертте, киләчәктә дә уңышларыгыз белән сөендерерсез дип уйлыйм, — дип өстәде Рөстәм Мөхәмәтҗәнов.
Физкультурниклар көнен бәйрәм итү программасы буенча спортчыларның хезмәтләре грамоталар һәм бүләкләр белән билгеләп үтелде. 7-11 август көннәрендә Бөтенроссия физкультурачылар көнен бәйрәм итү кысаларында узган ярышларда җиңүчеләрне бүләкләделәр.