Чүпрәле районы Башлыгы Марат Гафаров торак пунктларга табигать күренешләренә әзер булырга кушты
Чүпрәле районы Башлыгы Марат Гафаров торак пунктларга табигать күренешләренә әзер булырга кушты
29 июльдә Идел буе федераль округы территориясендә көчле давыл узды.
Бүген Чүпрәле районы Башкарма комитетында гадәттән тыш хәлләрне кисәтү, бетерү һәм янгын куркынычсызлыгын тәэмин итү буенча комиссия утырышында су объектларында куркынычсызлыкны тәэмин итү мәсьәләләре буенча фикер алыштылар. Утырышны район башлыгы Марат Гафаров алып барды.
29 июльдә Идел буе федераль округы территориясендә көчле давыл узды. Давыл нәтиҗәсендә тугыз кеше һәлак була.
Секундына 27 метрга кадәр җил искән куркыныч метеорологик күренешләр Татарстан, Марий Эл, Чувашия, Түбән Новгород, Пенза, Ульяновск, Киров һәм Самара өлкәләренә кагылды.
Россия гадәттән тыш хәлләр министрлыгының матбугат хезмәте хәбәр иткәнчә, 99,5 мең йортның утсыз калуы билгеле. Шулай ук 41 торак йортның һәм җиде социаль объектның түбәсе зыян күргән, 500дән артык агач ауган, 76 зыян күрүче ачыкланган. Давыллы һава торышы Чувашиядә җиңел моторлы катер һәлакәтенә сәбәп була. Катерда 10 кеше булган. Кешеләр суда калган, һәм аларның яртысында гына коткару жилетлары булган. 8 кешене таба алдык. Ярты яшьлек баланы үле килеш тапканнар. Дүрт баланы хастаханәгә салырга туры килде.
Чүпрәле районында да бу көнне электр энергиясе өзелү фактлары күзәтелә һәм кайбер авылларда давыллы җил иске агачларны аудара.
"Барысына да әзер булырга кирәк — һәм бу атнада эссе һава торышы көтелә, ә ул һәрвакыт нәтиҗәләр белән тулы",- диде Марат Гафаров утырышны башлап.
Чүпрәле районының су объектларында кешеләрнең, бигрәк тә балаларның иминлеген тәэмин итү эшен оештыру турында районара күзәтчелек эшчәнлеге һәм профилактика эше бүлеге инспекторы Алексей Мердеев хәбәр итте. Ул билгеләп үткәнчә, бүгенге көндә район территориясендә 17 гидротехник корылма бар, аларда су коенуны тыюга 17 аншлаг урнаштырылган. 2022 елда һәм 2023 елның 7 аенда сулыкларда бәхетсезлек очраклары булмаган.
Утырыш барышында җирлек башлыкларына һәм җитәкчеләргә халыкка су коену тыелган куркыныч участоклар һәм урыннар турында мәгълүмат бирү эшен дәвам итәргә, аларны тиешле кисәтү һәм тыю билгеләре белән билгеләргә киңәш ителде.