Татарстанның 400дән артык кешесе 2023 елда автогражданлык җаваплылыгын мәҗбүри иминиятләштерү полисына чыгымнарны компенсацияләде
Быел Татарстан Социаль фонды бүлеге автогражданлык җаваплылыгын мәҗбүри иминиятләштерү(АҖМИ) килешүе буенча иминият премиясенең бер өлешен 426 гражданга компенсацияләде. Түләүләрнең гомуми суммасы 1 945 272 сум тәшкил итә.
АҖМИ бәясенең өлешчә компенсациясен алу хокукына инвалидлар (яки аларның законлы вәкилләре) ия, аларга реабилитация яки абилитация программасына (ШРП) ярашлы рәвештә медицина күрсәтмәләре буенча транспорт кирәк.
АҖМИ полисына чыгымнарны компенсацияләү өчен, АҖМИ килешүен төзегәндә иминият премиясен шәхсән түләргә һәм иминиятче булырга кирәк. Аннары компенсация мөрәҗәгать итү датасына гамәлдә булган АҖМИ полисына бирелә, анда агымдагы календарь ел дәвамында бер транспорт чарасына икедән артык йөртүче (инвалид гражданнан яки аның законлы вәкиленнән тыш) күрсәтелми.
"Түләү күләме АҖМИ килешүе буенча түләнгән иминият премиясенең 50% тәшкил итә. Әгәр инвалид гражданның барлык кирәкле мәгълүматлары федераль мәгълүмат базаларында булса, компенсация гаризасыз бирелә. Әгәр бу базаларда мәгълүмат юк икән, компенсация алу өчен аңа үзе яки аның вәкиленә социаль фондның клиент хезмәтенә гариза, АҖМИ полисы һәм транспорт сатып алу өчен медицина күрсәтмәләре күрсәтелгән ШРП программасы белән мөрәҗәгать итәргә кирәк булачак", – дип төгәлләде Татарстан Социаль фонды бүлеге идарәчесе Эдуард Вафин.
Шунысын да билгеләп үтәргә кирәк, компенсация сорап АҖМИ рәсмиләштерелгәннән соң ел дәвамында мөрәҗәгать итәргә мөмкин. Чыгымнарны каплау турында карар кабул ителгән көннән алып 5 эш көне эчендә Социаль фонд акчаларны гариза бирүче счетына күчерәчәк.