1 декабрь - милек салымнарын түләү срогы
Салым түләүче - физик затлар өчен транспорт салымын, җир салымын, физик затлар милкенә салымны һәм НДФЛны (салым агенты НДФЛ суммасын тотып калмаган кайбер керемнәрне) ел саен исәпләү бурычы салым органнарына йөкләнелгән. Шуңа бәйле рәвештә, салым органнары алда санап үтелгән салымнар буенча түләү срогы җиткәнчегә кадәр 30 көннән дә соңга калмыйча салым түләүчеләргә - физик затларга салым түләү өчен салым белдерүләрен җибәрә.
Физик затлар тарафыннан үзләренә караган күчемсез милек объектларына һәм транспорт чараларына карата түләнергә тиешле салымнар, салым белдерү кәгазе җибәрүнең календарь елы алдыннан өч салым чоры эчендә исәпләнә.
Салым органы тарафыннан исәпләп чыгарылган салымнарның гомуми суммасы 100 сумнан ким булса, салым белдерү кәгазе җибәрелми.
Салым белдерү кәгазе физик затка (аның законлы яисә вәкаләтле вәкиленә тапшырылырга һәм җибәрелергә мөмкин):
- салым уведомлениесен бирү турында аннан алынган гариза нигезендә, шул исәптән дәүләт һәм муниципаль хезмәтләр күрсәтүнең күпфункцияле үзәге аша (гариза формасы Россия Федераль салым хезмәтенең 11.11.2009 ел, № ММВ-7-21/560 боерыгы белән расланды);
- почта аша заказлы хат белән (шул ук вакытта салым белдерү кәгазе заказлы хат җибәргәннән соң алты көн узгач алынган дип санала);
- электрон формада салым түләүченең шәхси кабинеты аша (салым түләүченең шәхси кабинетына керү мөмкинлеге алган физик затлар өчен). Шул ук вакытта салым белдерүе, салым түләүченең шәхси кабинеты кулланучысыннан кәгазьдә документлар алу кирәклеге турында хәбәрнамә алу очракларыннан тыш, почта элемтәсе белән кабатланмый.
2021 елның салым чорына салым белдерү кәгазе 2022 елның 1 декабреннән дә соңга калмыйча үтәлергә, салымнар түләнергә тиеш.